DESPORTU, HEADLINE

B2B konkista vitória ho festa golu ba FC Ostico 7-2

B2B konkista vitória ho festa golu ba FC Ostico 7-2

Imajen/espesiál

DILI, 25 maiu 2024 (TATOLI)  Ekipa Futeból B2B susesu festa golu bainhira adversáriu FC ostico ho golu 7-2, iha jogu kontinuasaun kopa Federsaun Futeból Timor-Leste (FFTL) ne’ebé realiza iha Estádiu Munisipál Dili, sábadu lokoraik.

Bainhira jogu hahú ekipa rua lansa kedan kontra no atake ba malu tuir tékniku no abilidade jogadór idaidak nian nune’e bele kasa golu fó votoria ba ekipa.

Ostico halo presaun ne’ebé maka’as ho jogu ne’ebé bonitu halo B2B tenke servisu maka’as nune’e hamate Ostico nia jogu. Esforsu B2B nian iha duni rezultadu hodi domina iha lina klaran hodi halo Ostico nia ritmu jogu monu.

Bainhira Ostico nia ritmu jogu monu, B2B utiliza kedan oportunidade hodi lansa ona golu dala uluk husi jogadór Augusto Costa (11) iha minutu 36 muda rezultadu ba 1-0. Golu ne’e fó presaun maka’as tebes ba Ostico, maibé Ostico la halo buat ida nune’e iha minutu 43 jogadór Jardiel Pieade (24) utiliza tan oportunidade bola livre hatama tan golu ida muda rezultadu ba 2-0.

Minutu la’o ho kalma, jogu la’o ho barullu, Ostico nia prestasaun tun maka’as iha lina oin, iha lina kotuk mós susar atu hamate B2B nia jogu. Tanba ne’e B2B iha poder maka’as iha kampo laran hodi domina bola, iha minutu 45+2 bola barullu iha lina oin Ostico jogadór B2B jardiel utiliza tan oportunidade hodi lansa tan golu ida muda rezultadu ba 3-0, to’o minutu primeira parte termina laiha tan golu ruma akontese B2B provijoriu lidera jogu.

Hakur ba segunda parte ekipa rua nafatin hatudu jogu ne’ebé kualidade. Tanba lakon ona bola barak treinadór Osrico Arcenio Afonso deside dada sai jogadór na’in haat rua hosi lina oin, rua husi lina kotuk sai, jogadór ne’ebé sai mak hanesan, Nelson Ximenes (8), hodi subsititui fali Elpidio Marques (14), Oldi Fraga (5) hodi substitui fali Antonio dos Santos (16), Gulter Ximenes (9) substitui fali Norberto da Costa (11), Dinisio Correia (26) substitui fali husi Zeferino Freitas (10) iha minutu 46.

Husi mudansa ba jogadór ne’e fó duni rezultadu di’ak ba Ostico hodi domina fali bola iha minutu 46 jogadór Norberto da Costa (11) konsege fera rede B2B hodi muda rezultadu ba 1-3. Golu ne’e halo jogu sai manas liutan.

Maibé B2B la nonok kontinua konsentra ba jogu hodi halao’o jogu ne’ebé másimu nune’e iha minutu 57 jogadór Augusto Costa prodús tan golu ida nakfilak rezultadu ba 4-1, Ostico komesa lakon ona jogu barak bainhira B2B hetan fali nia jogu no livre atu aumenta golu. Nune’e iha minutu 64 defeza Ostico komete erru hasoru avansadu B2B árbitru deside fó kedan penaliade ba B2B hodi lansa sutu livre, sutu ne’e ezekuta husi defeza João Soares (14) bola tama liuba laran nahe tan rezultadu ba 5-1.

Golu ne’e hahú lori presaun maka’as ba Ostico, sente moras no labele ezekuta jogu ho di’ak, nune’e iha minutu 70 jogadór B2B Carol de Araujo (21) lansa tan golu ida hodi lori ses rezultadu ba 6-1.

Rezultadu ne’e halo adeptus B2B haksolok liutan, hakilar atu halo rahun tribun Estádiu nian, adeptus Ostico balu hakilar maibé balu tur nonok hodi asiste tanba rezultadu la’o dook ona susar atu duni tuir.

Nune’e iha minutu 88 jogadór B2B Jardel Piedade termina golu ikus hodi lori semo rezultadu ba 7-1. Maibé jogadór Ostico la lakon esperansa, kontinua hatudu jogu nune’e to’o minutu 90 jogadór Natalicio Soares (24) konsege kompleta tan golu ida hodi muda rezultadu ba 2-7. Golu ne’e mak hanesan golu ikus ba ekipa rua.

Nune’e jogu termina vitoria prega metin ba B2B mak iha direitu absoluta ba pontu tolu no Ostico hela ho pontu jero.

Jogu ne’e dirije husi árbitru prinsipál Fernando da Costa, juiz liña Henrique Pereira, Gabriel Pereira no árbitru rezerva Francisco Pereira.

Notísia relevante:DIT FC ho Relay FC fahe pontu ba malu iha abertura kopa FFTL

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!