DESPORTU, HEADLINE

Laisorulai FC ‘lulun’ Taibessi FC ho eskore 2-0

Laisorulai FC ‘lulun’ Taibessi FC ho eskore 2-0

Jogu Futebol Kopa Maun Boot Kayrala Xanana Gusmão 2024, Laisoru Lai F.C kontra Taibessi F.C, iha estadiun Munisípal Dili, segunda (27/05). Imajen Tatoli/Francisco Sony

DILI, 27 maiu 2024 (TATOLI)– Ekipa istimadu husi Munisípiu Baucau Laisorulai FC susesu ‘lulun’ ekipa husi Dili Taibessi FC ho rezultadu 2-0,  iha jogu kontinuasaun kopa Maun Boot Kay Rala Xanana Gusmão, ne’ebé realiza iha Estádiu Munisipál Dili, segunda ne’e.

Hanesan kultura jogu futeból nian, jogu la’o ekipa rua tenke lansa kedan kontra no atake ba malu tuir tékniku no abilidade ekipa idaidak nian.

Adetus sira hatu espresaun iha Jogu Futebol Kopa Maun Boot Kayrala Xanana Gusmão 2024, Laisoru Lai F.C kontra Taibessi F.C, iha estadiun Munisípal Dili, segunda (27/05). Imajen Tatoli/Francisco Sony

Laisorulai halo presaun ne’ebé maka’as hasoru Taibessi maibé Taibessi responde ho kalam ikus impede tutuir atake ne’ebé mak Laisorulai halo. Nune’e Taibessi mós halo presaun ne’ebé extraordinariu, la konsege sobu defeza Laisorulai nian.

Minutu kontinua la’o ho kalma, jogu la’o ho barullu, maibé ekipa rua kuaze hatudu forsa ne’ebé la diferente. Avansadu Laisorulai hetan oportunidade barak maibé defeza Taibessi tenta hamate tutuir, ikus labele prodús golu.

Taibessi hatudu jogu ne’ebé bonitu maibé nunka iha oportunidade atu hatama golu. Adeptus sira be tur nahe-aan iha tribun leten hakilar ho lian maka’as fó suporta ba ekipa ne’ebé sira konsidera favoritu.

Jogu la’o ho velosidade maka’as, oras mós la’o ho kalma ikus minutu ne’ebé deside remata laiha ekipa ida mak prodús golu ikus klube rua tenke empata 0-0.

Dolar ba segunda parte Laisorulai iha ambisaun maka’as atu hatama golu, nune’e jogadór hotu iha paixaun ne’ebé boot, servisu maka’as, pasa bola ba mai ho velosidade maka’as maibé seidauk iha oportuniade tanba Taibessi la fó fatin.

Taibessi mós hatudu jogu ne’ebé brillante maibé sempre falla iha finalidade tanba sutu barak guarda rede salva tutuir, sutu balu mós la kona iha alvu.

Jogu la’o to’o minutu 56 oportunidade di’ak ba Laisorulai tanba hetan oportunidade bola kantu, ikus jogadór Filipe da Costa (22), mak sutu bola konsege tama liu ba rede laran muda kedan rezultadu ba 1-0.

Golu ne’e fó presaun kedan ba Taibessi atu servisu maka’as, maibé servisu ne’ebé Taibessi halo hela de’it hanesan servisu tanba nunka prodús golu hodi halo empata jogu ne’e. Tanba la hetan oportunidade Taibessi nia ritmu jogu komesa tun.

Haree ba fallansu ne’ebé Taibessi iha Laisorulai utiliza kedan oportuniade hodi ameasa maka’as Taibessi, avansadu Martino da Costa (23) hetan oportunidade batak atu hatama golu maibé sei dauk kona iha alvu.

Maibé jogu la’o to’o minutu 63 jogadór Filipe da Costa hetan oportunidade di’ak lansa sutu ida kona de’it besi rin baliza ikus bola tenke sai fila-fali no jogadór Martino da Costa simu kedan hodi hatama bola ba rede laran ikus muda rezultadu ba 2-0.

Golu ne’ebé prodús husi Martino hanesan golu ikus ba ekipa rua tanba to’o minutu jogu termina laiha tan golu ruma rezultadu save metin ba 2-0, ikus Laisorulai mak iha direitu absoluta ba vitoria no Taibessi tenke hela ho derota.

Jogu ne’e lidera husi árbitru prinsipál Candido Babo, juiz liña Filomeno da Silva, Elvis de Jesus no árbitru rezerva Pedro Braga.

Notísia relevante: Derrota ho 1-2, posibilidade Vila-Vista FC elemina husi kopa Xanana

Jornalista: Hortencio Sanchez

Editór : Florencio Miranda Ximenes

iklan
iklan

Leave a Reply

iklan
error: Content is protected !!