PR Horta ho David Fenningan fahe esperiénsia kona-bá servisu diplomásia
DILI, 27 maiu 2024 (TATOLI)- Prezidente Repúblika, José Ramos Horta, segunda ne’e iha Palásiu Prezidensiál Bairru-Pite Dili, hasoru malu ho reprezentante Intelijénsia Artifisiál hodi fahe esperiánsia kona-bá servisu diplomásia ne’ebé Prezidente Repúblika halo durante tinan 50 ba kotuk.
“Prezidente Ramos Horta ema matenek ida no nia fahe ninia esperiensia sira konba-ba ninia diplomasia iha tinan 50 liu ba ne’ebé impresivu tebes,” Reprezentante Intelijensia Artifisiál David Fenningan ba jornalista sira bainhira ramata reuniaun ho Prezidente Ramos Horta.
Prezidente Horta ko’alia mós kona-ba nia umildade ne’ebé mak hatudu ona ba ema timoroan tomak no Timor-Leste nu’udar Illa ida ne’ebé mak furak tebes.
“Durante hasoru malu ho Prezidente Horta husu ami atu servisu hamutuk ho Prezidente rasik no Primeiru-Ministru atu iha serteza ida katak ami sei lori Teknolojia inovativu no Artificial Intelegence mai Timor-Leste hodi fó apoiu ba nasaun ne’e hodi asegura katak nasaun ne’e bele adapta aan ho dezafiu iha sekulu 21, atu nune’e bele aselera dezenvolvimentu infrastrutura,” nia katak.
Tuir David Timor-Leste tenke orgullu mós tanba iha figura ne’ebé hanesan Primeiru-Ministru Kay Rala Xanan Gusmão sai ona figura ba paz no umildade ho nia sabedoria ba nasaun hotu iha mundu.
Jornalista: Hortencio Sanchez
Editór: Florencio Miranda Ximenes
