COVALIMA, HEADLINE

Xefe suku 30 iha Covalima partisipa formasaun kona-ba implementasaun Lei Podér Lokál

Xefe suku 30 iha Covalima partisipa formasaun kona-ba implementasaun Lei Podér Lokál

Xefe suku 30 iha Covalima partisipa formasaun kona-ba implementasaun Lei Podér Lokál. Foto/Celestina Teles.

COVALIMA 29  Maiu (TATOLI) – Xefe suku na’in-30 iha Covalima partisipa formasaun durante loron rua kona-ba implementasaun Lei Podér Lokál no Desentralizasaun Administrativa, Lei númeru 23/2021, 10 Novembru.

Atividade formasaun ba xefe suku sira ne’e organiza husi Servisu Munisipal Apoiu Organizasaun Naun-Governamentál no Organizaun Komunitária hodi implementa Planu Asaun Anuál 2024.

“Ami hala’o atividade hodi fó formasaun oinsá xefe suku sira bele hatene sira-nia knaar atu implementa Lei Podér Lokál iha sira-nia suku. Aleinde ne’e, fó formasaun mós ba ofisiál finansa no asuntu sosiál suku sira”, Diretora Servisu Munisipál Apoia Organizasaun Naun-Governamentál no Organizaun Komunitária, Maria de Jesus Perreira, dehan ohin.

Tuir planu, diresaun mós sei disponibiliza formasaun ba ofisiál finansa kona-ba asuntu finansa nian no ba ofisiál sosiál ne’ebé sei realiza iha inísiu juñu.

Governu sentrál aprova Orsamentu Jerál Estadu 2024 ba munisípiu Covalima hamutuk millaun $7,3 hodi finansia programa 13, sub programa 31 no atividade 74 tuir planu asaun anuál ne’ebé aprezenta husi kada diresaun munisipál sira.

Xefe suku Debos, Agostinho da Silva, dehan formasaun ba xefe suku sira ne’e importante, nune’e líder lokál sira bele iha kõnesimentu kona-ba sira-nia serbisu ba implementasaun Lei Podér Lokál no Desentralizasaun Administrativa.

“Oinsá mak xefe suku sira jere no ezekuta dezenvolvimentu iha ami-nia suku, tanba suku mak sai forsa ida iha munisípiu hodi prepara ba implementasaun Lei Podér Lokál”, nia dehan.

Desentralizasaun nu’udar konseitu-ida dada interese barak, pelu menus ho aumentu sistema teknólojia sosiál sira ne’ebé desentralizadu no distribuídu, iha dokumentu ida-ne’ebé define uluk desentralizasaun tanba implementa ona.

Notísia relevante: MAE sensibiliza lei podér lokál no desentralizasaun administrativa ba autoridade Bobonaro

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!