DESPORTU, HEADLINE

Kopa Xanana: Hera United FC ‘dere’ Lecidere FC 4-0

Kopa Xanana: Hera United FC ‘dere’ Lecidere FC 4-0

DILI, 30 maiu 2024 (TATOLI) – Ekipa Hera United FC susesu ‘dere’ Lecidere FC ho rezultadu 4-0, iha jogu kontinuasaun kopa Maun Boot Kay Rala Xanana Gusmão ne’ebé realiza iha Estádiu Munisipál Dili, kinta lokoraik ne’e.

Bainhira jogu la’o ekipa rua lansa kedan kontra no atake ba malu tuir tékniku no abiliade ekipa idaidak nian nune’e bele prodús golu.

Hera utiliza nia forsa hotu, lansa atake ne’ebé extraordinariu hasoru Lecidere, nune’e iha minutu 5, jogadór Miguel da Silva (7) lansa ona golu primeiru hodi muda rezultadu ba 1-0. Golu ne’e halo Lecidere tente servisu maka’as maibé sempre falla iha lina oin no susar atu halo golu.

Hera nafatin lansa atake ne’ebé másimu atu aumenta golu maibé Lecidere antisipa ho di’ak hodi halo falla tutuir Hera nia jogu, nune’e to’o minutu primeira parte termina rezultadu hela provijoriu 1-0.

Dolar ba segunda parte ekipa rua nafatin lansa atake ne’ebé brillante, Hera esforsu oinsa atu aumenta golu. Husi esforsu ne’ebé Hera halo la hela de’it hanesan esforsu ikus iha minutu 52, Filomeno (13) lansa tan golu ida muda rezultadu ba 2-0.

Golu ne’e hasa’e liutan vontade Hera nian hodi lansa atake ne’ebé maka’as halo Lecidere book-aan la di’ak. Maske falla iha jogu Lecidere nafatin kalma servisu maka’as oinsa atu prodús golu. Maibé esforsu ne’ebé Lecidere halo hela de’it hanesan esforsu tanba nuka halo golu maske hatudu jogu bonitu.

Hera kontinua luta. Luta la hela de’it ho naran hatudu duni prova, ikus iha minutu 59, jogadór Bonifacio Alves (9) lansa tan golu muda kedan rezultadu ba 3-0. Husi golu ne’e lori rezultadu Hera nian nahe aan dook liu ona husi Lecidere.

Lecidere nafatin esforsu maibé nakonu ho tristeza tanba rezultadu ne’ebé la divia akontese.

Hera kontinua halo presaun hasoru Lecidere maske hatama ona golu tolu. Ho esforsu ne’e iha la lakon le’et de’it tanba iha minutu 75, jogadór Bonifacio Alves lansa tan golu ida hametin rezultadu ba 4-0.

Husi golu ne’e hanesan golu ikus ba ekipa rua tanba to’o minutu termina laiha tan golu ruma mak akontese vitoria prega metin ba Hera United no Lecidere hela ho derrota.

Vitória ne’e lori Hera okupa iha lozisaun primeiru grupu F ho pontu neen, sgundu Ostico FC ho lontu neen, terseiru Laloran Wekeke FC ho pontu tolu no ikus liu Lecidere FC ho pontu zero.

Jogu ne’e dirize husi árbitru prinsipál Bernanrdino Mascarinhas, juiz liña Tome de Araujo, Filomeno da Silva no árbitru rezerva Pedro Carvalho.

Notísia relevante:Warikoan FC manán Bairo da Paz FC 4-1

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!