HEADLINE, POLÍTIKA

PM Xanana hato’o solidaridade ba vítima dezastre naturál iha Papua Nova Guiné

PM Xanana hato’o solidaridade ba vítima dezastre naturál iha Papua Nova Guiné

Primeiru-Ministru, Kay Rala Xanana Gusmão, bainhira partisipa iha konferensia internasional konaba estadu Illa kiik dezemvolvidu sira(SIDS) iha Amerika Latina majen/ media GPM

DILI, 30 maiu 2024 (TATOLI)- Primeiru-Ministru (PM), Kay Rala Xanana Gusmão, hato’o sentidu solidariedade ba povu Papua Nova Guiné, liu-liu ba vítima sira ne’ebé sofre tanba dezastre naturál iha área foho Enga, sesta (24/05).

Sentidu solidariedade ne’e, Primeiru-Ministru espressa iha abertura diskursu IV konferénsia internasionál kona-bá Estadu Illa Kiik Dezenvolvidu sira (SIDS,sigla Inglés) ho tema “Hamutuk Trasa Planu ba prosperidade Reziliente”, iha São João, Antígua no Barbuda, segunda foin lalais ne’e.

“Ha’u hakarak hato’o ha’u-nia profunda kondolénsia no solidaridade ba vítima sira husi dezastre naturál, rai halai iha Papua Nova Guiné. Dezastre ida-ne’e bolu atensaun ba ita hotu atu fó solidaridade”, katak Xefe Governu liuhusi nota ne’ebé Agência TATOLI,I.P asesu.

Kay Rala Xanana Gusmão apela ba Estadu hotu-hotu atu lolo-liman hodi apoia vítima sira atu salva sira hosi risku dezatre naturál ne’e.

BBC News Indonézia fó-sai katak, totál vítima sira ne’ebé mate no rai-hakoi kuaze 2.000-resin, hafoin akontese udan ho intesidade boot iha área Papua Nova Guiné.

To’o agora família no Estadu Papua Nova Guiné sei kontinua buka-tuir vítima sira no salva daudaun vítima sira ne’ebé sei moris ba fatin seguru inklui fornese asisténsia umanitária.

Sekretáriu Jerál Organizasaun Nasaun Unidas (ONU), António Guterres mós orienta ona ekipa hodi lori apoiu umanitária hodi ajuda vítima sira.

Notísia relevante:Iha konferénsia SIDS, PM Xanana anunsia hakarak kria parke mariñu iha Ataúro

TATOLI

iklan
iklan

Leave a Reply

iklan
error: Content is protected !!