iklan

DESPORTU, HEADLINE

Atletico Mota Ain lakon ho Mushila FC

Atletico Mota Ain lakon ho Mushila FC

Jogu Futebol Kopa FFTL 2024, Muchila KONTRA Mota-Ain, iha estadiun Munisípal Dili, sesta (31/05). Imajen Tatoli/Francisco Sony

DILI, 31 maiu 2024 (TATOLI)– Ekipa Atletico Mota Ain obrigadu tenke sofre golu ida husi adversáriu Mushila FC ho eskore 0-1, iha jogu kontinuasaun Federasaun Futeból Timor-Leste (FFTL) ne’ebé realiza iha Estádiu Munisípiu Dili, kinta lokoraik ne’e.

Bainhira jogu la’o ekipa rua lansa kedan kontra no atake ba malu tuir tékniku no abilidade idaidak nian nune’e bele prodús golu.

Mushila halo presaun ne’ebé maka’as ho intensaun oinsa bele manán jogu ne’e, maibé Mota Ain la fó fatin hamate tutuir Mushila nia jogu. Jogadór sira pasa bola ba mai iha kampo laran, fintas ba fintas mai maibé servisu hotu hela de’it hanesan servisu tanba la prodús golu hodi halo kontente adeptus sira ne’ebé nakonu iha tribun leten Estádiu nian.

Jogu Futebol Kopa FFTL 2024, Muchila KONTRA Mota-Ain, iha estadiun Munisípal Dili, sesta (31/05). Imajen Tatoli/Francisco Sony

Nune’e Mushila falla totàl iha lina oin ka lina finalidade. Mota Ain mós esforsu maka’as oinsa bele prodús golu maibé falla iha lina defeza Mushila nian.

Ho forsa ne’ebé hanesan lori ekipa rua tenke termina jogu primeira parte ho empata 0-0. Nune’e jogadór sira tenke deskansa minutu 15 hafoin kontinua fali ba jogu segunda parte.

Hakat ba segunda parte ekipa rua kontinua hatudu jogu bonitu liu husi pasa bola ba mai husi ain ba ain. Mushila esforsu maka’as maibé sorte seidauk to’o nune’e seidauk bele prodús golu.

Mota Ain esforsu másimu maibé sempre hetan tentasaun oioin husi adversariu ne’ebé trava tutuir Mota Ain nia jogu. Nune’e Mota Ain susar atu hatama golu.

Jogu la’o to’o minutu 49 sorte to’o duni ona ba Mushila, hodi responde esforsu ne’ebé halo durante iha kamlo laran, nune’e Jogadór Mario Quintão (11), responde ona golu hodi dudu rezultadu ba 1-0.

Jogu la’o manas liutan, maibé haree ba forsa ekipa rua nian hanesan to’o minutu normal jogu termina vitoria hela ba Mushila hodi rekolla pontu tolu no Mota Ain hela ho derrota.

Husi rezultadu jogu ne’e lori Mushila rekolla pontu tolu iha grupu B maibé iha pozisaun segundu tanba Assa FC mak okupa iha pozisaun primeiru ho pontu tolu, Mota Ain iha pozisaun terseiru ho pontu tolu, nune’e Rai Klaran FC hela ho pontu zero iha pozisaun ikus liu.

Jogu ba ekipa rua lidera husi árbitru prinspiál Pedro Braga, juiz liña Antonio Carvalho, Donatos Pereira no árbitru rezerva Francisco Pereira.

Notísia relevante:DIT FC ho Relay FC fahe pontu ba malu iha abertura kopa FFTL

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!