DILI, 02 junu 2024 (TATOLI)– Iha forum Internasionál entre nasaun barak halo diálogu kona-ba problema oin-oin ne’ebé Estadu illa kiik sira enfrenta, maibé Timor-Leste (TL) apresia Sekretáriu Jerál ONU ne’ebé mobiliza doadór sira hodi ko’alia kona-ba mudansa klimátika (climate change) Iha mundu.
Primeiru Ministru, Kay Rala Xanana Gusmão, hatete, asuntu ne’e afeta mundu tomak maibé afeta liu ba Estadu illa kiik, barak liu mak temi climate change, hirak-ne’e hotu hodi rai sira-ne’e hotu hamutuk la prodús nein 1% mak climate change.
“Ne’ebé ko’alia barak tebes hosi Sekretáriu Jerál ONU, António Guterres, ko’alia kona-ba nesesidade mudansa sistema finansiamentu tanba rai barak la konsege hetan di’ak. Problema ida agora ne’e afeta liubá rai kiik sira. Ne’e duni apresia ho Sekretáriu Jerál ONU nia hanoin hodi mobiliza rai hotu-hotu no mobiliza doadór sira ko’alia kona-ba climate change,” PM Xanana ko’alia iha aeroporto Nicolau Lobato Dili, domingu ne’e.
Timor-Leste apresia tebes ho observasaun profunda hosi Sekretáriu Jerál ONU nian, ne’ebé ezije mudansa krusiál iha sitema finanseira internasionál. Bainhira assuntu ida-ne’e ekontese mak, SIDS bele iha konfiansa ba abordajen vitál bá dezenvolvimentu sustentável SIDS nian.
Tanba ne’e, Xanana Gusmão hakarak apela bá Organizasaun Nasaun Unidan ian atubele kumpre mensajen importante kona-ba menus relatóriu, rezultadu boot no barak liu”.
Nia apela mós respsosta globál ida maibé kontekstuál bá moris di’ak ema-nian iha SIDS. Resposta urjente maibé la’ós ansi.
“Entaun ita bele tuir esperiénsia sira-ne’e hotu. Ida-ne’e atu dehan rai barak mak sei presiza desenvolve, karik ita husu maibé ita presiza atu dezenvolve-an no hanesan timoroan esforsu hodi labele depedente liu,” Xefe Governu dehan.
Jornalista: Osória Marques
Editór: Evaristo Soares Martins
