EKONOMIA, HEADLINE

Ministru Kalbuadi Lay fó pose ba dirijente na’in-ualu husi Institutu Públiku

Ministru Kalbuadi Lay fó pose ba dirijente na’in-ualu husi Institutu Públiku

Vise-Primeiru-Ministru no Ministru Koordenadór Asuntu Ekonómiku, Francisco Kalbuadi Lay hasai foto hamutuk iha posse CLN ANLA ,ATTL SERVE no BAMBU,ANKAL. iha salaun MKAE Farol Dili, segunda (03/07). Imajen Tatoli/Egas Cristovão

DILI, 03 juñu 2024 (TATOLI) – Vise Primeiru Ministru no Minsitru Koordenadór Asuntu Ekonómiku, Ministru Turizmu no Ambiente, Francisco Kalbuadi Lay fó pose ba emposadu na’in-ualu hosi Institutu Públiku.

“Ohin ita fó tomada de posse ba kargu xefia sira hosi Institutu Públiku atu servisu didiak hodi servi nasaun no povu ida-ne’e, tanba ami hotu fó ami-nia esperansa katak ita boot sira hetan kna’ar hosi ami hotu nia apoiu ne’ebé atu dehan katak servisu di’ak ba povu ho neon no domin”, Kalbuadi Lay, informa iha ámbitu serimónia tomada de posse ba dirijente másimu hosi Institutu Públiku ne’ebé tutela ba MKAE iha Farol, ohin.

Iha fatin hanesan, Prezidente Komisaun Funsaun Públika (KFP), Agostinho Letêncio de Deus, dehan tomada de posse hanesan aktu importante ida ba ema hotu hodi servi instituisaun sira.

“Ha’u hanoin aktu importante ida-ne’e previlejiu boot ba KFP atu hateten katak hamutuk ho ita boot sira atu lori planu Governu nian ba oin, tanba ne’e KFP nia prezensa atu hato’o de’it katak  ita hotu sei servisu hamutuk ho di’ak, atu kompromete ita-nia aan hodi lori susesu ida ba progarama nonu Governu nian, hamutuk ho KFP atu tau atensaun ba servsiu profisionál funsionáriu sira nian ne’ebé mak tutela no lidera hosi ita boot sira”, Agostinho afirma.

Nia dehan, KFP hahú tau matan ona ba servisu funsionáriu sira iha instituisaun sira, tanba susesu governasaun ida depende ba mákina Estadu.

“Ita boot sira-nia tomada de posse ohin ita-nia espetativa katak sei lori tan forsa boot ida, sei lori tan susesu boot ida ba Governu Konstituisionál, espesiál ba ministériu ida-ne’e”, nia relata.

Emposadu Fausto Soares Dias, Agradese ba Governu Konstituisionál liuliu ba Ministériu Koordenadór Asuntu Ekonómiku ne’ebé fó fiar atu lidera Servisu Rejistu Verifikasaun Empresariál (SERVE.IP) ba mandatu tinan tolu.

“Ohin ha’u simu pose hanesan Diretór Ezekutivu Servisu Rejistu Verifikasaun Emprezariál (SERVE.IP) atu haree ba servisu sira ne’ebé”, Fausto  Soares Dias afirma.

“Ho Ezekutivu foun ne’e ita bele dehan katak hahú ohin ba oin ami fiar katak servisu sira ne’e sei la’o normál, ita hatene katak foin daudaun iha fulan hirak liu ba kuaze Instituisaun IP hanesan SERVE liuhosi buat balun ne’ebé sira labele hala’o tuir planu ne’ebé mak iha, tanba ne’e mak buat ne’ebé mak ita di’ak ita mantein no ida ne’ebé mak presiza reforma no ida ne’ebé mak seidauk iha, ita kontinua atu tau planu ba tinan oin”, nia haktuir.

Dirijente sira ne’ebé simu pose mak Prezidente Autoridade Turizmu Timor-Leste, Institutu Públiku (ATTL,I.P), Virgilio  Smith, Vogál Autoridade Turizmu Timor-Leste, Idelfonso de Carvalho, Institutu Públiku (ATTL,I.P), Prezidente Autoridade Dezignada no Kombate  Alterasaun Klimátika (AND,I.P), Felizberto Araujo Duarte.

Prezidente Nasionál Lisensiamentu Ambientál (ANLA,I.P), Maximiano Maria Gusmão de Oliveira, Diretór Ezekutivu Bambú I.P (Institutu Peskiza ba dezenvolvimentu Formasaun no Promosaun Bambú, Abilio Immanuel Almeida Barros, Prezidente Sentru Lojístika Nasionál (CLN,I.P), Antonio de Araujo Soares, Diretór Ezekutivu Servisu Rejistu Verifikasaun no Emprezariál (SERVE,I.P) Fausto Soares Dias no Vise Diretora Ezekutiva SERVE,I.P Agusta Antonio Gomes.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!