HEADLINE, MUNISÍPIU, OÉ-CUSSE (RAEOA)

Rogério Lobato sei suspende protokolu ne’ebé impede serbisu Jornalista

Rogério Lobato sei suspende protokolu ne’ebé impede serbisu Jornalista

Rogério Lobato sei suspende protokolu ne’ebé impede serbisu Jornalista. imajen espesial

OÉ-CUSSE, 05 juñu 2024 (TATOLI) – Prezidente Autoridade Rejiaun Administrativa Espesiál Oé-Cusse Ambeno (RAEOA), Rogério Tiago Lobato, sei suspende protokolu ne’ebé impede serbisu jornalista TATOLI, Abílio Elo Nini tanba konsidera agresaun fíziku ne’e krime.

Prezidente Autoridade RAEOA foin rona informasaun ne’e ohin dadeersan no nota katak hahalok ne’ebé protokolu komete hasoru jornalista ne’e krime.

Eis Ministru Interior ne’e esplika, tuir loloos hanesan protokolu nia servisu la’ós atu taka dalan ba jornalista sira, tanba imprensa ne’e tenke livre ba kualkér akontesimentu.

“Jornalista ne’e livre, tanba nia halo kobertura ne’e ko’alia buat-ne’ebé loos, ne’e imprensa livre. Ita labele trava fali ita-nia jornalista sira halo reportajen. Nia (protokolu) la’ós trava de’it, nia halo agresaun fízika. Ha’u sei hola medida tuir lei. Ha’u haruka ona ha’u-nia asesór jurídiku sira prepara surat ida atu ha’u bele asina, imediatamente tenke suspende hosi nia servisu, enkuantu ita sei halo investigasaun,” Prezidente Autoridade RAEOA, Rogério Tiago Lobato, ko’alia iha aeroportu Rota do Sândalo, kuarta ne’e.

Prezidente Autoridade RAEOA husu atu respeita serbisu jornalista sira tanba jornalista sira-nia reportajen ko’alia kona-ba prosesu dezenvolvimentu ne’ebé la’o iha enclave Oé-Cusse.

Notísia relevante: PR Horta sei bolu Autoridade RAEOA kona-ba protokolu impede jornalista TATOLI

Jornalista: Florencio Miranda Ximenes

Editór: Evaristo Soares Martins

iklan
iklan

Leave a Reply

iklan
error: Content is protected !!