MUNISÍPIU, VIQUEQUE

KI disemina Lei Komunikasaun Sosiál ba autoridade Viqueque

KI disemina Lei Komunikasaun Sosiál ba autoridade Viqueque

Konsellu Imprensa Timor Leste, kinta ne’e, sosializa Lei Komunikasaun Sosiál ba autoridade Viqueque. Imajén Tatoli/ Vitorino Lopes da Costa

VIQUEQUE, 06 juñu 2024 (TATOLI)- Konsellu Imprensa Timor Leste (CI-TL), kinta ne’e, hala’o diseminasaun Lei  Komunikasaun Sosiál ba Prezidente Autoridade no Diretór  Servisu  munisípiu Viqueque sira hodi koñese servisu ka papel mídia.

Konsellu Imprensa Timor Leste ne’ebé hari ho baze Lei Komunikasaun Sosiál numeru, 5/2014 no Dekretu-Lei númeru 25/2015 kona-ba kriasaun ho nia estatutu, nune’e papel KI nian maka atu promove liberdade impresa no liderdade espresaun ne’ebe garatidu iha Konstituisaun Republika Timr-Leste artigu 40 no 41.

“Ohin ami sosializa lei komunikasaun sosál ba direjente sira iha munisípiu ida-ne’e tanba ita hotu-hotu konsidera katak diretu ema hotu nian asesu ba informasaun no diretu espresaun maka sai fundamental. Tanbe ne’e, Estadu iha dever tomak hodi hametin setór komunikasaun sosiál, nune’e presenza orgaun komunikasaun sosiál sira ho sira-nia dever hala’o prosesu jornalizmu nian atu fasilita no apoia direitu ema hotu nian ba asesu informasaun”, Konselleira Konsellu Imprensa Timor-Leste, Isabel Maria de Jesus Fernandes, hateten iha abertura sosializasaun lei komunikasaun sosiál, iha salaun administrasaun Viqueque, ohin.

Tanba ne’e, nia husu ba dirijente iha munisipiu Viqueque atu bele koopera no labele impede orgaun komunikasaun sosiál ka jornalista sira, bainhira atu halo kobertura.

“Tanba ita hatene katak midia maka sai liman, ain, tilun, matan no ibun ba ema hotu. Kapasidade jornalista mak hala’o sira-nia knaar hanesan halo kobertura, produsaun notísia no liuhusi faze oi-oin iha redasaun foin bele públika ba sosiadade hodi asesu ba informasaun. Nune’e mós sosiadade iha direitu atu hetan informasaun, direitu ba retifikasaun no diretu ba hatán liuliu ba públikasaun sira, karik la bazeia ba faktu sira”, nia afirma.

Nia husu partisipante sira-ne’ebé partisipa sosializasaun lei komunikasaun sosiál hatutan mós ba komunidade sira-ne’ebé seidauk rona kona-ba lei komunikasaun sosiál nian.

Iha biban ne’e, Prezidente Autoridade Munisípiu Viqueque, Francisco Cruz Simões de Gonzaga Soares, husu agradese ba ekipa KI tanba atividade sosializa lei komunikasaun sosiál importante tebe-tebes hodi hatene funsaun midia tanba dala ruma ema la hetene funsaun midia ninia.

“Ha’u agradese no husu ba partisipante sira hotu atu bele koopera ho jornalista sira atu halo kobertura di’ak iha ita nia munisípiu”, nia sujere.

Iha Sosializasaun Lei Komunikasaun Sosiál ne’e hetan partisipa husi  autoridade lokál, Polísia Nasionál Timor Leste (PNTL), Diretór Servisu munisipál no Diretór liña ministéria sira iha munisípiu,  funsionáriu no estundante sira, durante loron ida.

Notísia relevante:KI Komemora Aniversáriu ho Seminár Internasionál

Jornalista   : Vitorino Lopes da Costa

Editór         : Florencio Miranda Ximenes

iklan
iklan

Leave a Reply

iklan
error: Content is protected !!