iklan

HEADLINE, SAÚDE

Servisu Saúde Manatuto rejista moras dengue 78 iha trimestre dahuluk

Servisu Saúde Manatuto rejista moras dengue 78 iha trimestre dahuluk

Susuk aedes aegypti. Imajen Tatoli/Francisco Sony

DILI, 06 juñu 2024 (TATOLI)–Diretór Servisu Saúde Manatuto (SSM), Arfim Pereira Cárceres, hateten iha trimestre dahuluk (janeiru-marsu) ne’e servisu saúde Manatuto rejista moras dengue hamutuk 78.

“Iha trimestre dahuluk (janeiru-marsu), ita rejista kazu dengue maibé liutiha trimestre primeiru ne’e ita laiha ona kazu dengue,” Diretór Servisu Saúde Manatuto, Arfim Pereira Cárceres, hateten ba Agência Tatoli, liuhusi telefónika, kinta ne’e.

Servisu saúde Manatuto halo esforsu hodi konbate moras dengue liuhusi halo fomigasaun no distribuisaun abate ba komunidade kada fulan tolu (3) no halo sensibilizasaun ba komuniddae kona-ba moras ne’e.

“Ita halo fomigasaun ba iha kazu sira risku ba iha pasiente afetadu dengue, no familia sira-ne’e ita halo fomigasaun ba sira-nia rezidente jeral,” nia dehan.

Hafoin halo atividade tolu hodi kombate dengue ne’e, nia dehan, mak bele lori munisípiu Manatuto konsege livre husi dengue hafoin liu nsemana rua.

“Fulan tolu ikus ne’e (abríl maiu no juñu) kazu denge zero hela,” nia dehan.

Jornalista : Jesuína Xavier

Editór       : Cancio Ximenes

 

iklan
iklan

Leave a Reply

iklan
error: Content is protected !!