EKONOMIA, HEADLINE

MCI konstrui, tinan-ne’e, merkadu foun Lautém, Baucau no Ermera

MCI konstrui, tinan-ne’e, merkadu foun Lautém, Baucau no Ermera

Ministru Komérsiu no Indústria, Filipus Nino Pereira. Imajen Tatoli/Francisco Sony

DILI, 07 juñu 2024 (TATOLI) – Ministériu Komérsiu no Indústria (MCI), tinan ne’e, halo kontrusaun ba merkadu munisípiu Baucau, Ermera no Lautem.

“Iha tinan-ne’e, ita halo kontrusaun ba merkadu munisipál tolu, tanba ita finaliza ona nia estudu viabilidade inklui dezeñu buat sira ne’e agora ita la’o ona ba faze kontrusaun tanba orsamentu ne’e mai hosi fundu infraestutura nian”, Ministru MCI Filipus Nino Pereira informa iha merkadu Manleuana, ohin.

Nia afirma, Governu tau osan hamutuk $13 millaun ba merkadu Munisípiu Lautem, $12 millaun ba merkadu Baucau no $11 ba merkadu Ermera.

“Merkadu munisípal ne’ebé ita atu halo ne’e akomoda vendedór hothotu iha ne’eba, atu ekonomia bele la’o ho di’ak, entaun ida-ne’e mak ita hakarak”, nia relata.

Orsamentu atu halo kontrusaun ba merkadu munisípal hirak ne’e aseguradu hosi grande projetu  ne’ebé apoiu hosi MCI atu hahú kontrusaun ida-ne’e, entaun hahú diskute ona ho Ajénsia Dezenvolvimentu Nasionál, Ministériu Obras Públika atu haree ba prosesu tuir mai kona-ba konkursu.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!