MUNISÍPIU, VIQUEQUE

SETOU disemina Dekretu-Lei Lisensiamentu Publisitáriu ba autoridade Viqueque

SETOU disemina Dekretu-Lei Lisensiamentu Publisitáriu ba autoridade Viqueque

SEATOU disemina Dekretu-Lei Lisensiamentu Mensajén Publisitáriu ba autoridade Viqueque. Imajén Tatoli/Vitorino Lopes da Costa

VIQUEQUE, 07 juñu 2024 (TATOLI)- Ekipa Sekretáriu Estadu Asuntu Toponimia no Urbana (SETOU), sesta ne’e, disemina Dekretu-lei númeru 31/2017, kona-ba lisensiamentu mensajén publisitáriu ba autoridade no emprezáriu sira iha munisípiu Viqueque.

“Objetivu  ba Dekretu-Lei númeru 31/2017, atu autoridade lokál no emprezariu sira bele kompriende hodi bele selu tasa ba Estadu. Ami-nia kna’ar mai munisípiu fó apoia asisténsia no Prezidente Autoridade maka iha kompeténsia tomak iha munisípiu Viqueque. Tanba ne’e ami sosializa toponímia hodi haree ba naran sira iha dalan, númeru uma nian no organiza sidade, extensionamentu, jardín”, Diretór Jerál Toponomia, Maria Odete Barros Florindo, hateten iha diseminasaun ne’e iha salaun administrativu Viqueque, ohin.

Ba serbisu sira-ne’e,  nia husu autoridade munisipál atu planu asaun anuál hodi prevee orsamentu, atu haree ba estensionamentu, ijiene no reforsa rekursu umanu ba diresaun jestaun merkadu.

Iha biban hanesan, PAM Viqueque, Francisco C.S de Gonzaga Soares, agradese ba ekipa SEATOU ne’ebé sosializa Dekretu-Lei ba autoridade lokál no abitante Viqueque hodi bele hasa’e koñesementu liga ba toponímia.

“Sosializasaun ida-ne’e sai importante ba ami, hodi ami implementa iha munisípiu ida-ne’e. Ho sosializasaun ne’e ami-nia komunidade sira bele komprende kna’ar Toponímia, se la’e ita la komprende saida maka eviksaun ne’ebé agora akontese iha Dili. Husi sosializasaun ida-ne’e xefe suku sira bele ba hatutan ba komunidade sira liuliu iha baze”. Nia realsa.

Jornalista: Vitorino Lopes da Costa

Editór     : Florencio Mirinda Ximenes

iklan
iklan

Leave a Reply

iklan
error: Content is protected !!