DILI, 08 juñu 2024 (TATOLI)–Konstrusaun kuziña iha Eskola Ensinu Báziku Sentrál (EBC, sigla portugés) hamutuk 18 iha munisípiu Manatuto daudaun ne’e iha faze elaborasaun matadalan.
“Prosesu konstrusaun kuziña 18 agora iha ona faze elaborasaun ba matadalan implementasaun nian husi Sekretáriu Munisipál Asuntu Administrasaun no Finansa,´Diretór Servisu Edukasaun Munisípiu Manatuto, Patrício da Cruz Quintão, informa ba Agência Tatoli, via telefónika, sábadu ne’e.
Bainhira Sekretáriu Munisipál Asuntu Administrasaun no Finansa elabora hotu dokumentu maka sei aprezenta tan ba Ministériu Adminiatraun Estatál (MAE).
“Bainihira eleborasaun ne’e finaliza no prezenta ba MAE hodi hetan aprovasaun maka bele implementa,” nia akresenta.
Notísia relevante : Servisu Edukasaun Liquiçá aloka millaun $1-resin ba programa merenda eskolár
Konstrusaun kuziña eskola nian hodi apoiu programa merenda eskolár iha munisípiu Manatuto, ba EBC Katólika rua rua ho orsamentu ba kada kuziña $7.500.
Servisu Edukasaun Manatuto tinan ne’e aloka rihun $135 ba konstrusaun tinan ne’e Eskola EBC hamutuk 18, ne’ebé orsamentu balun mai husi orsamentu transferénsia públika.
Jornalista : Osória Marques
Editora : Julia Chatarina
