iklan

NASIONÁL, INTERNASIONÁL, DILI, HEADLINE, POLÍTIKA

Governu Nova Zelándia kompromete kontinua apoia dezenvolve Timor-Leste

Governu Nova Zelándia kompromete kontinua apoia dezenvolve Timor-Leste

Vise Primeiru-Ministru no Ministru Negósius Estranjeirus Nova Zelandia, Rt Hon Winston Peters,bainhira hasoru malu ho Ministro MNEC Bendito Freitas iha MNEC hodi halao enkontru bilateral, dili 12 juinu 2024. Foto Tatoli/Antonio Daciparu

DILI, 12 juñu 2024 (TATOLI)– Estadu Nova Zelándia hatudu kompromisu hodi kontinua apoia Timor-Leste nia dezenvolvimentu iha setor oin-oin hodi hametin liutan kooperasaun billaterál entre nasaun rua ne’e.

Kompromisu Estadu Nova Zelándia ne’e afirma husi Vise Primeiru-Ministru no Ministru Negósiu Estranjeiru, Wilston Peters, kuarta ne’e, bainhira halo sorumutuk ho nia ómologu Ministru Bendito Feitas, hodi hametin relasaun bilaterál entre nasaun rua ne’e.

“Ami prontu nafatin atu apoiu Timor-Leste nia dezenvolvimentu, ami mós prontu atu servisu hamutuk ho Timor-Leste ba nasaun ne’e nia di’ak,” Vise Primeiru-Ministru no Ministru Negósiu Estranjeiru Nova Zelandia ne’e kompromete.

Notisia relevante:Governu Nova Zelándia apoia rihun $16 ba Sentru Formasaun ETDA

Governu Nova Zelándia mós apoia másimu ba Timor-Leste nia adezaun ba ASEAN no sai parseiru ida ne’ebé produtivu no efetivu iha ASEAN.

“ASEAN nia papél importante tebes iha Illa Pasifiku no Sudeste Aziatiku. Ami apoiu másimu ba Timor-Leste nia adezaun, ami prontu apoiu iha área saida de’it ne’ebé Timor-Leste presiza ami nia tulun,” nia promete.

Vise Primeiru Ministru ne’e agradese ba Timor-Leste ne’ebé simu nia vizita ho di’ak no ba oin relasaun nasaun rua sai metin liutan.

Iha fatin hanesan, Ministru Negósiu Estranjeiru no Kooperasaun (MNEK), Bendito Freitas, hato’o agradese ba Estadu Nova Zelandia ne’ebe hakarak kontinua apoia Timor-Leste nia dezenvolvimentu.

“Vizita ida ne’e importante tebes no signifikadu boot ba ita nia relasaun no parseria kooperasaun bilaterál ho Nova Zelandia, ita nia kooperasaun ho Nova Zelandia metin tebes hanesan mós nasaun sira seluk,” Ministru Bendito afirma.

Notisia relevante:Timor-Leste ho Nova Zelandia diskute matadalan utilizasaun enerjia renovavel

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!