iklan

MUNISÍPIU, VIQUEQUE

Suku lima iha Viqueque hetan projetu eletrifikasaun iha tinan ne’e 

Suku lima iha Viqueque hetan projetu eletrifikasaun iha tinan ne’e 

Imajén Tatoli/Vitorino Lopes da Costa

VIQUEQUE, 12 juñu  2024 (TATOLI)- Supervizór Eletrisidade de Timor Leste, Empreza Públika (EDTL,E.P) Munisípiu Viqueque Ernesto Sarmento, informa, projetu eletrifikasaun iha munisípiu Viqueque ba tinan 2024 hetan pakotu lima ne’ebé implementa iha suku lima,  Postu Viqueque Vila no Uatulari.

“Projetu dada eletrisidade ba abitante sira-ne’ebé durante seidauk asesu ba ahi eletrisidade hamutuk pakote lima. Husi pakote lima ne’e ita-nia komunidade postu Viqueque Vila hetan pakote rua no postu Uatulari mak hetan pakote tolu ne’ebé ninia implementasaun iha tinan 2024”, Ernesto  Sarmento, hateten ba Agência Tatoli, iha postu Viqueque Vila, ohin.

Supervizór ne’e dehan ba projetu eletrifikasaun pakote lima ne’e ba liu área rurál sira-ne’ebé durante sira la asesu ba  eletrisidade  iha Viqueque Vila mak hanesan  área Uetali suku Bahalarauain no suku Uma Ki’ik. Pakote tolu monu iha postu Uatulari mak hanesan Edmumu-Macadique, Sana Kaiseba lata no Diribu’u.

“Daudaun ne’e, projetu pakote lima iha ona faze  konkursu públiku nasionál, hafoin  ramata hahú implementa. Kona-ba durasaun projetu durante ne’e ita akompaña prosesu implementasaun ho durasaun fulan neen”, nia subliña.

Implementasaun projetu pakote lima ne’e sei fó benifísia ba komunidade sira-ne’e hela iha área rurál hanesan Uetali, Uma Ki’ik ba fali postu Uatulari Edmumu, Sana Diri-Bu’u, Kaisebalata no Lebadae.

“Kona-ba dadús benifísiariu nian nasionál mak sei fó sai uma-ka’in hira maka atu asesu. Ba ami-nia kna’ar mak atu kontrola bainhira projetu implementasaun hotu mak ami foin ba halo identifikasaun ba uma-kain sira asesu, nune’e ba agora ami seidauk identifika uma-kain sira”, nia afirma.

Jornalista   : Vitorino Lopes da Costa

Editór         : Florencio Miranda Ximenes

iklan
iklan

Leave a Reply

iklan
error: Content is protected !!