iklan

EKONOMIA, MUNISÍPIU, VIQUEQUE

DTP Viqueque rekolla reseita rihun $2,8 ba kofre Estadu

DTP Viqueque rekolla reseita rihun $2,8 ba kofre Estadu

Diretór Terras no Propriedade munisípiu Viqueque, Apolinário Ximenes. Imajén Tatoli/Vitorino Lopes da Costa

VIQUEQUE, 14 juñu  2024 (TATOLI)—Diresaun Terra Propriedade (DTP)  munisipiu Viqueque, hahú Janeiru to’o Marsu, konsege rekolla reseita husi arrentáriu sira hamutuk $2.840.00  hodi hatama ba kofre Estadu.

“Reseita ne’ebé  mai husi arrendatáriu ne’ebé arrenda uma Estadu nian hahú trimestrál dahuluk to’o agora konsege  rekolla  hamutuk $2.840″, Diretór Terra Propriedade munisípiu Viqueque, Apolinário Ximenes, hateten ba Agência Tatoli, iha ninia kna’ar fatin, ohin.

Servisu  Terra Propriedade munisipiu Viqueque kontrata ho ema sira ne’ebé halo arrendamentu hamutuk 156, propriedade Estadu 572, propriedade privadu ne’ebé abandona 33 no halo notifikasaun atu selu arrendamentu 83.

Nune’e, 2024 kontraru foun 1, renovasaun 6, proposta kontratu foun 3 no proposta renovasaun kontratu uma 4, reseita husi trimestral dahluk hamutuk $1,700 no trismestre daruak hamutuk $1,140.

“Kontratu ne’ebé ami fó sira bazeia  utilazaun balun uza ba edifísiu no balun uza halo ba rezidénsia. Maibé, uma balun maka to’o agora ami seidauk rejista tanba distásia. Ba oin ami sei esforsu hodi rejista patrimóniu estadu nian ne’ebé iha munisípiu Viqueque”, nia subliña.

Alende ne’e nia dehan, komunidade utiliza propretária Estadu DTP  fó kontradu hodi selu kada fulan, maibé balun selu laduk di’ak ba oin DTP sei haree ida-ne’e ba ema ne’ebé la selu arredatariu fó notifikasaun.

“Arrendatáriu durante ne’e uza propretáriu seluk ladun ativa, ne’ebé ami sei halo notifikasaun ba sira no notifikasaun ba dala tolu la kumpre obrigatóriu hasai fatin sira-ne’ebé iha”, Nia realsa.

Dezefiu nia dehan, durante ne’e servisu DTP enfrenta  transporte no ekipamentu uza ba servisu tanba ne’e maka uma sira-ne’ebé distánsia dook ekipa labele to’o hodi rejista regular.

“Ho dazafiu sira-ne’e  ha’u aprezenta hotu ba nasionál hodi tau iha planu asaun anuál nian, maibé to’o agora seidauk iha resposta. Daudauk ne’e ami uza motorizada privada mak halo servisu, maibé laiha kombustivél hodi apoia ba ami-nia servisu”, nia hato’o.

Maske ho dezafiu sira-ne’e nia dehan, DTP nafatin iha vontade hodi hala’o kna’ar no sei kolabora autoridade munisípiu Viqueque hodi aselera servisu sira liuliu identifikasaun rai no propritáriu Estadu sira liuliu iha munisípiu ida-ne’e.

Entretantu funsionáriu servisu DTP Viqueque na’in-8 kompostu husi tékniku, administrasaun ne’ebé durante hala’o servisu iha Viqueque.

Jornalista   : Vitorino Lopes da Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!