iklan

POLÍTIKA

PN autoriza PR Horta hala’o vizita Estadu ba Moçambique-Angola

PN autoriza PR Horta hala’o vizita Estadu ba Moçambique-Angola

Prezidente Repúblika, José Ramos Horta. Imajen Tatoli/Egas Cristóvão.

DILI, 18 juñu 2024 (TATOLI)—Parlamentu Nasionál (PN), tersa ne’e, liuhusi reuniaun plenária aprova pedidu asentimentu husi Prezidente Repúblika (PR), José Ramos Horta, hodi hala’o vizita Estadu ba Moçambique no Angola.

“Rezultadu votasaun a-favór 35, kontra 10 no abstensaun ida (1), ne’ebé asentimentu pasa,” Prezidente Parlamentu Nasionál, Maria Fernanda Lay, fó sai iha sala plenária Parlamentu Nasionál (PN).

Tuir termu previstu husi númeru 1 iha artigu 80 no aleina h) númeru 3 artigu 95 iha konstituisaun, ho meiu ne’e liuhusi Xefe Kasa Sívil Prezidente Repúblika solisita pedidu ne’e ba PN konsentimentu préviu ba dezlokasaun.

Nune’e, dezlokasaun vizita Estadu ba Moçambique prevista entre 4-7 Jullu 2024, hodi resposta konvite husi Prezidente Repúblika Moçambique nian, no dezlokasaun vizita Estadu ba Angola prevista entre 8-10 Jullu 2024 no mós hanesan hodi responde ba konvite husi Prezidente Repúblika Angola.

Nune’e, iha loron 02 jullu 2024, Prezidente Repúblika (PR) Horta sei auzente husi Timor-Leste no 13 jullu sei to’o hikas mai Timor-Leste.

Mezmu nune’e, iha reuniaun plenária Deputadu FRETILIN, Joaquim dos Santos ho Florentino Sinarai, preokupa Xefe Estadu ne’ebé kontinua hala’o viajen ba rai-li’ur mak barak-liu maibé PPN hato’o katak ne’e konstituisaun mós prevee ne’ebé iha asembleia konstituiente dahuluk aprova PR hanesan mós ema diplomata.

Jornalista : Nelson de Sousa

Editór        : Cancio Ximenes   

iklan
iklan

Leave a Reply

iklan
error: Content is protected !!