iklan

EKONOMIA, INTERNASIONÁL, HEADLINE

Governu aprova projetu Lei Kódigu Rekuperasaun no Insolvénsia

Governu aprova projetu Lei Kódigu Rekuperasaun no Insolvénsia

Vise-Primeiru-Ministru no Ministru Koordenadór Asuntu Ekonómiku, Francisco Kalbuadi Lay, prezide reuniaun Konsellu Ministru, iha Palásiu Governu, kuarta (12/06/2024). Imajen Tatoli/Francisco Sony

DILI, 19 juñu 2024 (TATOLI) – Governu liuhusi reuniaun Konsellu Ministru, kuarta ne’e, diskute no halo aprovasaun ba projetu proposta lei hodi kria Kódigu Rekuperasaun no Insolvénsia.

Projetu proposta lei, ne’e aprezenta husi Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuady Lay no Governadór Banku Sentrál Timor-Leste (BCTL-sigla portugés), Hélder Lopes.

“Kriasaun ba kódigu ida-ne’e ho objetivu atu promove investimentu, nune’e mós transforma no moderniza ekonomia nasionál,” tenik iha nota ne’ebé Agência TATOLI asesu husi media Gabinete Primeiru-Ministru.

Diploma ida-ne’e sei permite atu fó seguransa no garantia ba investidór, kredór no emprezáriu sira kona-ba mekanizmu rekuperasaun no insolvénsia.

“Ne’e mós ho objetivu atu fó mós resposta ba ezijénsia integrasaun ba ASEAN no OMK, ho kuadru lejizlativu ida ne’ebé responde ba nesesidade país nian no ba kompromisu ne’ebé asume iha ámbitu internasionál,” tenik iha nota ne’e.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!