Governu aprova rezolusaun hodi ratifika adezaun ba akordu subvensaun peska

DILI, 19 juñu 2024 (TATOLI) – Governu liuhusi reuniaun Konsellu Ministru (KM), kuarta ne’e, iha Palásiu Governu Dili aprova projetu proposta rezolusaun ba Parlamentu Nasionál,hodi ratifika adezaun ba akordu subvensaun peska.

Proposta rezolusaun ne’e aprezenta husi Ministru Agrikultura, Pekuária, Peska no Florestas (MAPPF), Marcos da Cruz, hodi ratifika adezaun ba Akordu kona-ba subvensaun ba peska (“Protokolu Peska tinan 2022”), husi Organizasaun Mundiál Komérsiu (OMK), ne’ebé hala’o iha Jeneva iha loron 17  Juñu tinan 2022.

“Akordu ne’e ho objetivu atu elimina subsídiu prejudisiál ne’ebé kontribui ba peska demaziadu, liu kapasidade no peska ilegál, ne’ebé laiha deklarasaun no regulamentu,” tenik iha nota ne’ebé Agência TATOLI asesu husi media Gabinete Palásiu Governu.

Adosaun ba akordu ida-ne’e importante tebetebes hodi garante sustentabilidade rekursu tasi globál, no promove prátika peska ne’ebé iha responsabilidade no proteje meiu ambiente tasi nian.

Jornalista: Hortencio Sanchez

Editór: Florencio Miranda Ximenes