iklan

EKONOMIA, HEADLINE, MUNISÍPIU, OÉ-CUSSE (RAEOA)

MCI ho lia-na’in Taiboko realiza serimónia rituál molok lansa sentru produsaun masin iha Lagoa Maesmone

MCI ho lia-na’in Taiboko realiza serimónia rituál molok lansa sentru produsaun masin iha Lagoa Maesmone

Governu ho Lia-Na’in uma-lisan Leobesi Leobai Karketu Mota-Ain hala'o serimónia rituál molok hala'o konstrusaun ba Uma Laku no Jardin Faról Dili, segunda (06/02). Imajen Tatoli/Francisco Sony.

OÉ-CUSSE 21 juñu 2024 (TATOLI) –  Ministru Komérsiu no Indústria (MCI), Nino Pereira no Vise-Ministru, Agusto Junior Trindade, hamutuk ho lia-na’in sira iha suku Taiboko prosede serimónia rituál molok halo lansamentu ba sentru produsaun masin iha lagoa Maesmone, lokaliza iha aldeia Maquelab, suku Taiboko, sub-rejiaun Pante Makasar, Rejiaun Administrativa Espesiál Oé-Cusse Ambeno (RAEOA).

“Ita halo kultura rituál hodi loke dalan ba prosesu hotu bele la’o ho di’ak, ohin hatudu sinál iha karau nia aten ne’e di’ak, ne’ebé ita nafatin iha esperansa, katak ho partisipasaun másimu husi autoridade no komunidade sira iha suku Taiboko ho aldeia haat, entuziasmu tebes ho projetu dezenvolvimentu ba produsaun masin iha fatin ne’e tanba bele oferese rai ne’e ektare 24 ba Governu,” Ministru Komérsiu no Indústria, Nino Pereira ko’alia iha Oé-Cusse.

Governante ne’e esplika, masin nu’udar konsumu primáriu ba ema, animál no nesesidade indústria, tan ne’e, Governu presiza estabelese indústria produsaun masin nune’e bele haree ona nia merkadu tantu nasionál no internasionál.

Lia-na’in suku Taiboko, Candido Bacun Coa, atuál konsellu suku Taiboko, reprezenta komunidade Taiboko agradese ba Governu liuhusi Ministériu Komérsiu no Indústria, bele hakbesik dezenvolvimentu ba komunidade sira.

“Ami kontenti, ne’e mak ami oferese rai ektare 24 ba Governu atubele dezenvolve halo masin, ami espera projetu ne’e iha suku, sei fó benefisíu liu-liu ajuda joven sira bele sai traballadór iha produsaun sentru masin ne’e,” nia husu.

Notísia relevente: MCI identifika Lagoa Maesmone iha Oé-Cusse poténsia indústria masin

Enttretantu, durante prosede rituál kulturál ne’e, akompaña mós husi Konsellu suku no xefe suku 18,  autoridade seguransa no komunidade sira.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!