iklan

NASIONÁL, EKONOMIA, DILI, HEADLINE, POLÍTIKA

PR Horta ho Diretór Tradeinvest diskute investimentu setór privadu iha TL

PR Horta ho Diretór Tradeinvest diskute investimentu setór privadu iha TL

Prezidente Repúblika, J. Ramos-Horta Enkontro ho Diretór Ezekutivu Ajénsia TradeInvest Arcanjo Leite. iha Palásiu Prezidensiál, Bairru-Pité, sexta (21/06). Imajen Tatoli/Egas Cristóvão

DILI, 21 juñu 2024 (TATOLI) – Prezidente Repúblika, José Ramos Horta, sesta ne’e, iha Palásiu Prezidensiál Dili, hasoru malu ho Diretór Ezekutivu Tradeinvest,  Arcanjo da Silva, ho Diretór Relasaun Esterna, Roberto da Costa, hodi diskute kona-ba investimentu setór privadu iha Timor-Leste.

Objetivu prinsipál husi Sorumutu ne’e hodi subliña Prezidente Ramos Horta nia kompromisu atu avansa investimentu nasionál no internasionál iha nasaun ne’e.

“Prezidente Repúblika bolu ami atu diskute no fó atensaun signifikante ba progresu investimentu setór privadu ba nasionál no internasionál, ne’ebé opera iha Timor-Leste,” Duretór Arcanjo katak ba jornalista sira hafoin remata reuniaun.

Nia dehan, durante diskusaun ne’e ko’alia mós revizaun ida ne’ebé abranje kona-ba proposta investimentu foun sira no oinsá nasaun bele akompaña no fasilita di’ak liu.

Tuir Diretór Arcanjo, sorumutu ne’e kobre polítika no lei investimentu Timor-Leste nian, ne’ebé ho objetivu atu fasilita investimentu sira hodi dudu diversifikasaun ekonómika no empregu lokál sira.

Nu’udar Ajénsia Promosaun Investimentu no Exportasaun, TradeInvest hala’o papél importante iha implementasaun polítika hirak-ne’e, servisu hamutuk ho Vise-Ministru Asuntu Ekonómiku no parseiru sira seluk.

Kolaborasaun entre TradeInvest ho Governu ne’e esensiál tebes atu kria ambiente investimentu ida-ne’ebé favoravél.

“Sorumutu ida-ne’e haree hanesan pasu pozitivu ida hodi hasa’e panorama ekonómiku Timor-Leste nian, hodi atrai investidór barak liu, no asegura kreximentu ekonómiku sustentavel,” nia konklui.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!