iklan

NASIONÁL, EKONOMIA, DILI, HEADLINE, POLÍTIKA

Progresu konstrusaun estrada protokolu Tasi-Tolu to’o Rotunda atinje 50%

Progresu konstrusaun estrada protokolu Tasi-Tolu to’o Rotunda atinje 50%

DILI, 21 juñu 2024 (TATOLI)-Ministru Obras Públika (MOP), Samuel Marçal informa, Konstrusaun estrada protokolu iha área Tasi-Tolu liga mai Rotunda Prezidente Nicolau Lobato atinje ona 50% no Governu kontinua aselera atu bele konklui iha fulan-Agostu molok vizita Papa Francisco mai Timor-Leste  iha fulan-setembru tinan ne’e.

“Mai hato’o relatóriu kona-bá preparativu sira ligadu ho vizita Papa Francisco. Preparasaun kuaze 50% konklui tanba serbisu dala-ruma to’o kalan atu aselera. Espera fim Agostu bele konklui ona, hanesan estrada iha Tasi-tolu inklui estrada sira ne’ebé durante ne’e udan sobu iha Dili laran,” Samuel Marçal hateten ba jornalista sira hafoin enkontru ho Primeiru-Mimistru Kay Rala Xanana Gusmão iha Palásiu Governu, sesta ne’e.

Ministru ne’e mós klarifika kona-ba fatin sira ne’ebé foin lalais hetan despezu administrativu husi Sekretária Estadu Asuntu Toponímia Organizasaun Urbana (SEATOU), liuliu iha área Bidau nian, daudaun ne’e ekipa halo hela mobilizasaun material atu hahú konstrusaun.

Samuel Marçal mós ko’alia ona ho SEATOU atu molok sobu fatin sira iha área tasi-ibun no fatin sira seluk presiza halo koordenasaun didi’ak ho tékniku MOP nian atu prepara uluk dezeñu, nune’e sobu hotu avansa kedan ho konstrusaun.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!