DILI, 24 juñu 2024 (TATOLI) – Embaixadór Ángola iha Timor-Leste, José Andrade de Lemos, aprezenta-an bá Primeiru-Ministru (PM), Kay Rala Xanana Gusmão no diskute forma kooperasaun billaterál entre país rua.
“Ha’u mai aprezenta-aan ba Primeiru-Mimistru Kay Rala Xanana Gusmão, ami ko’alia kona-ba forma jerál no diskute liu kona-ba kooperasaun billaterál nasaun rua nian iha futuru,” Embaxadór José hateten ba jornalista sira iha Palásiu Governu, segunda ne’e.
Área espesífiku sira ne’ebé diplomata Angolanu ne’e deskuti ho Xefe Governu maka área turizmu, agrikultura, telekomunikasaun, edukasaun no interkâmbiu rekursu umanu ne’ebé timoroan no angolanu bele sai benefisiáriu.
Diskuasaun ne’e hanesan aprezentasaun jerál no bainhira interesadu maka parte rua bele avansa bá estabelesimentu kooperasaun iha futuru.
Jornalista: Hortencio Sanchez
Editór: Florencio Miranda Ximenes
