iklan

NASIONÁL, DILI, HEADLINE, POLÍTIKA

Xefe Governu enkoraja HDP hametin relasaun ho TL

Xefe Governu enkoraja HDP hametin relasaun ho TL

Primeiru-Ministru, Kay Rala Xanana Gusmão, hala'o enkontru ho House Democracy Partnership, Nick Rahall, iha Palásiu Governu Díli, segunda (24/06). Imajen Tatoli/Francisco Sony

DILI, 24 juñu 2024 (TATOLI)-Primeiru-Ministru (PM), Kay Rala Xanana Gusmão enkoraja House Democracy Partnership (HDP), atu kontinua hametin relasaun ho Timor-Leste hodi harii dame iha mundu.

“Primeiru-Ministru husu no enkoraja ami husi House Democracy Partnership atu kontinua hametin relasaun ho Timor-Leste hodi harii dame iha mundu,” membru HDP Nick Rahall hateten ba jornalista hafoin enkontru ho Xefe Governu, segunda ne’e.

Membru HDP na’in-rua mak hasoru malu ho Primeiru-Ministru Xanana Gusmão atu rona vizaun kona-bá demokrasia, transparénsia no dezenvolvimentu iha área oioin, haree liu oinsá atu fó moris di’ak bá povu Timor-Leste.

HDP durante ne’e fó apoiu tékniku bá Parlamentu Nasionál Timor-Leste nian no fasilita deputadu ho funsionáriu sira hodi bá hala’o estudu komparativu iha EUA.

Enkontru ne’e taka ho tara tais no Xefe Governu entrega mós kafé Timor hanesan sinál amizade.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!