Top

PPN-PN Tailándia diskute hametin kooperasaun iha área investimentu

Presidente Parlamentu Nasionál, Maria Fernanda Lay. Imajen Tatoli/Francisco Sony

DILI, 26 juñu 2024 (TATOLI)—Prezidente Parlamentu Nasionál (PPN), Maria Fernanda Lay, kuarta ne’e, simu vizita husi delegasaun Parlamentu Tailándia no oportunidade ne’e hodi diskute hametin kooperasaun parlamentár liuliu iha área investimentu.

“Ohin, vizita kortejia husi delegasaun Tailándia ninian, Deputadu ne’ebé iha grupu amizade sira estabelese iha sira-nia Parlamentu ho Parlamentu Timor-Leste ita-nia grupu amizade iha ita-nia Parlamentu. Ami mós simu sira ho di’ak, sira sente hanesan iha rain rasik. Ne’ebé, ami ko’alia estende tan to’o área ne’ebé tuir loloos ezekutivu nia área, liga ho investimentu, dezenvolvimentu,” Prezidente Parlamentu Nasionál ne’e hateten ba jornalista sira hafoin ramata enkontru ho delegasaun Parlamentu Tailándia iha Parlamentu.

Iha diskusaun ne’e la’o di’ak tanba Parlamentu Nasionál rasik mós presiza kooperasaun ho nasaun sira-ne’ebé membru ASEAN hodi ko’alia asuntu saida de’it mak Timor-Leste presiza apoiu husi Tailándia.

Nia dehan, Tailándia apoiu Timor-Leste la’ós foin dahuluk maibé dezde TL nia indepedénsia to’o agora, sira mós iha área kooperasaun haree ba asuntu labarik ho inan sira, ko’alia mós nutrisaun no asuntu barak liga ho serbisu ezekutivu ninian, ne’ebé  tanba haree probelma má-nutrisaun ne’e TL presiza duni.

PN tenke artikula enkontru ida ohin ne’e ho Governu no Governu mak sei halo proposta hodi bele serbisu hamutuk ho área saida de’it, no PN prepara an hodi halo fiskalizasaun ba saida de’it mak kooperasaun ho Tailándia.

Jornalista : Nelson de Sousa

Editór         : Cancio Ximenes

Publisidade

Leave a Reply

Latest Post

error: Content is protected !!