Ai-moruk ho item 70 importa ona husi nasaun tolu no to’o ona
DILI, 01 jullu 2024 (TATOLI) – Diretór Aprovizionamentu iha Institutu Nasionál Farmásia no Produtu Médiku (INPFM), Mariano da Silva, hateten ai-moruk hamutuk item 70-resin importa ona hosi Singapura, Indonézia no Malázia no to’o ona iha Timor-Leste.
“Sasan ai-moruk sira ne’e haruka hosi Empreza Salimagu husi Indonézia, Belsanto Farmacia Unip Lda hosi Malazia, Ortho Clinical Diagnostics husi Singapura”, nia subliña.
“Produtu médiku sira ne’ebé to’o ona mak produtu konsumível hamutuk item 15, produtu reajente item 26 no produtu médiku item 29 ne’ebé to’o ona. Husi sasán medisina sira ne’e, balun sei iha hela prosesu Inspesaun (R&I) no balun mós entrega ba Armajen INFPM”, Diretór Aprovizionamentu iha INFPM, Mariano da Silva dehan ba TATOLI iha kna’ar fatin INFPM Kampu Alor, ohin.
Nia dehan, ai-moruk sira ne’e tama iha 24 to’o 30 juñu, mai fazeadamente husi empreza importasaun ne’ebé sosa husi rai liur.
Ai-moruk sira ne’ebé maka simu ona hosi INFPM no Warehouse inklui tab sira Ásidu Fóliku 5mg, tab sira Amoxisilina 500mg, tab sira Paracetamol 500 mg, tab sira Ibuprofen 400 mg, Pó injesaun Ampicilina/1gm, tab sira Amzithyromym 500,000 bs, digoxin 250mcg tabs, Amidarone injection 1550mg/3ml, Amp/1ml, Benzathine penicillin injection, clopidogrel 75mg tabs, gentamicin sulfate injection 40mg, Simvastatin 20mg tabs, ampicillin injection, dicloaclocg injection no seluk tan.
Produtu médiku sira ne’e sei distribui ba Ospitál nasionál sira no mós ospitál rejionál iha munisípiu tuir pedidu husi Ospitál idaidak ba presta tratamentu no atendimentu pasiente nian..
Jornalista : Felicidade Ximenes
Editór : Zezito Silva
