DILI, 03 jullu 2024 (TATOLI) – Governu liuhusi reuniaun Konsellu Ministru, kuarta ne’e, iha Palásiu Governu, diskute kona-bá oinsá sistema rezídu sólidu urbanu iha Dili.
Asuntu ne’e aprezenta husi Ministru Prezidénsia Konsellu Ministru (MPCM), Agio Pereira no Ministru Administrasaun Estatál (MAE), Tomás do Rosário Cabral.
“Aprezentasaun ne’e, halo enkuadramentu ida ba projetu no analiza kontratu oioin ba ninia implementasaun, oinsa sistema rezídu sólidu urbanu iha Dili,” tenik iha nota ne’ebé Agência TATOLI asesu husi media Palásiu Governu.
Membrus Konsellu Ministrus diskute mós solusaun legál sira ne’ebé iha posibilidade atu ultrapasa problema ne’ebé verifika ona iha ezekusaun kontratu ba projetu ida-ne’e.
Jornalista: Hortencio Sanchez
Editór: Florencio Miranda Ximenes
