iklan

DESPORTU, DILI, HEADLINE, MANATUTO, MUNISÍPIU

Agostu, MJDAK garante empreza Vikzum finaliza estádiu munisipál Manatuto

Agostu, MJDAK garante empreza Vikzum finaliza estádiu munisipál Manatuto

Mega projetu Estádiu Munisipál Manatuto, 03/12/2019. Imajen Tatoli/Joanico de Araújo

DILI, 04 jullu 2024 (TATOLI) – Diretora Nasionál Patrimoniu lojistíka no infraestrutura Ministériu Juventude Desportu Arte no Kultura (MJDAK), Maria Luisa Monteiro, hateten Estádiu Manatuto besik ona finaliza no kompaiña sei entrega ba Governu iha fulan-agostu mai ne’e. “Ita halo ona inspesaun ba iha Estádiu Munisipál Manatuto ne’ebé responsabiliza husi kompaña Vikzum-Lda. Iha fiskalizasaun ne’e ita haree hamutuk kompaña nia servisu ne’e maka tuir kontratu sei termina iha fulan-Augostu tinan ne’e,” Diretora ne’e tenik ba Agência TATOLI iha Dili, kinta ne’e.

Inspensaun ne’ebé MJDAK halo hetan mós akompanamentu husi Ministériu Obras Publiku (MOP) husi Diresaun Ponte no Estrada no Diresaun Jerál Reahabilitasaun Urbanizmu no akompaña mós husi autoridade lokál Munisipiu Manatuto.

“Ita hamutuk ho MOP atu haree hamutuk kompañia nia serbisu ne’ebé mak tuir kontratu sei termina iha fulan Augostu. Tanba ne’e mak ita halo perfurasaun Bee presiza halo kanalizasaun ho nia distansia dook husi komunidade sira nia hela fatin mai to’o iha ne’e ho kilometru rihun-rua resin tanba ne’e ita presiza halo diskusaun ho MOP liu-liu iha Diresaun ida responsavel ba iha Ponte no Estrada no Diresaun Jerál ida reabilitasaun urbanizmu atu halo diskusaun ida kle’an atu hetan solusaun para kompañia bele halo nia servisu ona halo kanalizasaun Bee husi parte perfurasaun to’o mai iha ita nia estadiu,” Maria Luisa hetaten.

Tuir dadus ne’ebé iha projetu ba Estádiu ne’e dadaun ne’e atinje ona 91% no empreza garante fulan-Agostu bele entrega ona ba Governu.

Estádiu Manatuto hahú konstrusaun iha 2015, ne’ebé kaer hosi Kompaña Obrai Unipessoal Lda ho númeru kontratu ICB/0128/SEJD-2014, ho totál orsamentu $2.363.976,44, maibé iha 2022 Governu tenke aumenta tan adisionál osan hamutuk $184.741,35 ho kontratu fulan-ualu hahú hosi fevereiru-setembru 2022.

Tanba ne’e, ho totál orsamentu ne’ebé gasta ba Estádiu ne’e hosi kontratu tuan no adisionál hamutuk $2.547.717,79.

Maske nune’e, obra ne’e nafatin abandona ikus Governu foti desizaun hodi fó fali obra ne’e ba empreza Vikzum mak kontinua obra ne’e ho osan restu no adisionál hamutuk rihun $600-resin. Ikus hatudu duni rezultadu ne’ebé pozitivu.

Jornalista: Hortencio Sanchez

Editór : Florencio Miranda Ximenes

iklan
iklan

Leave a Reply

iklan
error: Content is protected !!