iklan

INTERNASIONÁL, HEADLINE, MUNISÍPIU, OÉ-CUSSE (RAEOA)

Festivál kulturál amizade iha Oecusse hametin relasaun TL-RI

Festivál kulturál amizade iha Oecusse hametin relasaun TL-RI

DILI, 09 jullu 2024 (TATOLI) – Ema rihun ba rihun hosi Oecusse nakonu iha kampu Palaban ne’ebé lokaliza iha fuan sidade Oecusse, Timor-Leste (TL) hodi haksolok no asste Festivál Atuasaun Kulturál Amizade ne’ebé organiza hosi Embaixada Repúblika Indonézia iha Dili, Timor-Leste iha loron sábadu ne’e.

Nota imprensa ne’ebé Tatoli asesu, haktuir festivál atuasaun kulturál amizade ne’e hala’o iha Oecusse, ne’ebé nu’udar enklave Timor-Leste nian ne’ebé fronteira diretamente ho Rejénsia Timor Sentrál Norte, Provínsia Nusa Tenggara Timur, Indonézia.

“Povu nasaun rua ne’e tenke servisu hamutuk no koñese malu ba Indonézia (RL) no Timor-Leste ne’ebé dezenvolvidu,” Prezidente Autoridade Rejionál Oecusse-Ambeno (RAEOA), Rogerio Tiago Lobato ko’alia iha eventu ne’e.

La’ós povu Oecusse de’it, atuasaun kulturál ne’e hetan mós partisipasaun husi partisipante Indonézia ne’ebé iha dadeer hola parte iha Historic Cross Border Run ne’ebé lori partisipante sira husi Wini, Indonézia ba Oecusse, Timor-Leste.

Embaixadór Indonézia iha Timor-Leste, Okto Dorinus Manik, informa, Festivál Atuasaun Kulturál Amizade ne’e nu’udar atividade rútina ida-ne’ebé organiza husi Embaixada Indonézia iha Dili dezde tinan 2022.

Atividade ida ne’e ho objetivu atu hametin komunidade Indonézia no Timor-Leste, liuliu iha fronteira. Aleinde ida-ne’e, ida-ne’e mós atu promove kultura Indonézia nian liuhosi atuasaun kulturál sira.

“Indonézia ho Timor-Leste hanesan nasaun viziñu sira. Ami mós hanesan maun-alin. Tanba ne’e, Indonézia ho Timor-Leste tenke la’o hamutuk ba oin. No hein katak liuhosi série eventu sira ohin nian, ita bele hakbesik liután no koñese malu,” nia katak.

Palku Kulturál ne’e hetan animasaun ho atuasaun husi artista Indonézia no Timor-Leste, mak hanesan Tasya Mardisa no Jessy Lopez. Artista rua ne’e hala’o múzika Timor-Leste no Indonézia nian ne’ebé povu Timor-Leste koñese ho laran-manas.

Prezente hanesan estrela bainaka maka Wizz Baker. Kantora ne’e, moris iha Sorong, Papua Osidentál, koñesidu tebes iha juventude Timor-Leste nia leet. Nia mós hala’o nia knananuk ida ne’ebé maka hetan susesu, maka Rindu Rumah.

Festivál Atuasaun Kulturál ne’e mós hetan animasaun husi bazar MSME ne’ebé promove produtu lokál husi Indonézia no Timor-Leste. Indonézia BUMN no BUMS mós anima bazar ne’e.

Komisaun ne’e mós fahe prémiu ba manán-na’in sira iha Historic-Cross Border Run Indonesia Timor-Leste (HCBR). HCBR hala’o iha dadeer no hetan manán-na’in ba kategoria feto no mane. Prémiu totál ne’ebé fó maka $3,500.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!