iklan

EKONOMIA, MUNISÍPIU, VIQUEQUE

DNTT Viqueque arrekada reseita rihun $16 ba kofre Estadu

DNTT Viqueque arrekada reseita rihun $16 ba kofre Estadu

Diretór Diresaun Nasionál Transporte Terestre (DNTT) munisípiu Viqueque, Saul Henrique. Imajén Tatoli/Vitorino Lopes da Costa

VIQUEQUE, 10 jullu 2024 (TATOLI)- Hahú fulan abríl to’o Juñu,  Diresaun Nasionál Transporte Terestre (DNTT) munisípiu Viqueque konsege rekolla reseita  ho montante $16,935.00 ba kofre Estadu iha trimestre daruak.

Husi totál ne’e mak iha fulan Abríl $4,927.50, Maiu $4,492.00 to’o fulan Juñu $7,515.00.

Enkuantu, iha trimestrál dahuluk konsege rekolla mós reseita hanesan fulan Janeiru $10,047.50,  Fevereiru $8,315.00,  Marsu $7,620.00 ho totál hamutuk $25,982.50.

“Reseita sira-ne’e ami esforsu rekolla liuhusi taxa inspesaun, lisensa, karta kondusaun, iha tremestre daruak ne’e ami simu invoce hodi selu taxa nian hamutuk 2.906 ho nia reseita totál ba trimestre daruak ne’e hamutuk rihun $42,917.50 maka ami kontribui ba kofre estadu”, Diretór DNTT munisípiu Viqueque, Saul Henrique, hateten ba Agência Tatoli, iha ninia kna’ar fatin, ohin.

Aleinde ne’e, DNTT munisípiu Viqueque iha fulan-Juñu liuba fó teste karta kondusaun ba kandidatu na’in-394 maibé fó teste ba ema na’in-320 tanba balun la partisipa teste eskrita, ba karta kondusaun ba motorizada hamutuk 258, pasa ema na’in-207 no na’in-51 la pasa teste.

Ba kategória karta kondusaun B1 kareta ki’ik hamutuk 43 partisipa iha prosesu teste ema na’in-29 no na’in-14 la pasa.

Kategória karta kondusaun C1 totál na’in-20, prosesu teste ema na’in-16 pasa no na’in-6 la pasa ne’ebé sei prepara ba teste tuir mai.

Dezafiu nia dehan, durante ne’e servisu DNTT Viqueque enfreta dezafiu oi-oin hanesan menus komputádór  hodi fó atendementu ba kliente sira inklui meza, kadeira no mós menus rekursu umanu.

“Maske ami kontribui reseita ba Estadu, maibé dezafiu sira-ne’e la’ós sai obstaklu ba ami no ami atendementu públiku loro-loron hahú husi segunda to’o sexta”. Nia hato’o.

Daudaun ne’e funsionáriu servisu atendimentu iha DNTT munisípiu Viqueque na’in-10 inklui Diretór, funsionáriu sira-ne’e maioria kazuál sira.

Jornalista : Vitorino Lopes da Costa

Editór : Florêncio Miranda Ximenes

 

iklan
iklan

Leave a Reply

iklan
error: Content is protected !!