iklan

NASIONÁL, DILI, HEADLINE, POLÍTIKA

KM aprova rezolusaun Governu kona-bá prevensaun ilísitu relasaun ho GAM

KM aprova rezolusaun Governu kona-bá prevensaun ilísitu relasaun ho GAM

Primeiru-Ministru, Kay Rala Xanana Gusmão, prezide reuniaun Konsellu Ministru, iha Palásiu Governu, kuarta (10/07). Imajen Tatoli/Francisco Sony

DILI, 10 jullu 2024 (TATOLI)– Governu liuhusi reuniaun Konsellu Ministru (KM), kuarta ne’e, iha Palásiu Governu-Dili, aprova projetu rezolusaun Governu kona-bá prevensaun atu ilísitu ne’ebé iha relasaun ho Grupu Arte Marsiál.

“Konsidera katak importante atu konsolida no reforsa pás sosiál ne’ebé hetan liuhusi suspensaun temporária arte marsiál, tanba ne’e presiza estabelese medida prevensaun atu ilísitu lubun ida ne’ebé iha relasaun ho prátika arte marsiál,” Vise-Ministru Asuntu Parlamentar Aderito Hugo da Costa tenik hafoin remata KM.

Nia dehan, medida ne’ebé estabelese husi Rezolusaun Governu ida ne’e inklui instrusaun ba Ministru Interiór (MI) hodi reforsa polisiamentu iha área fronterisa, impede partisipasaun elementus husi GAM ne’ebé hola parte iha serimónia rituál iha Indonézia.

“La-simu sidadaun estranjeiru tama iha territóriu nasionál ne’ebé fó ameasa ba saúde, orden no seguransa públika, iha koordenasaun entre Ministru Justisa (MJ) no Ministru Interiór ho órgaun polisiál kriminál hodi reforsa ekipa investigasaun kona-ba atividade ilísita ne’ebé iha relasaun ho arte marsiá no reforsa katak la hakru’uk ba orden lejítima ne’e konsidera krime, hanesan prevee ona iha Kódigu Penál,” nia konklui.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!