iklan

NASIONÁL, HEADLINE, POLÍTIKA, SEGURANSA

KM nomeia Jesuíno Matos sai Prezidente Autoridade Protesaun Sívil

KM nomeia Jesuíno Matos sai Prezidente Autoridade Protesaun Sívil

Primeiru-Ministru, Kay Rala Xanana Gusmão, prezide reuniaun Konsellu Ministru, iha Palásiu Governu, kuarta (10/07). Imajen Tatoli/Francisco Sony

DILI, 10 jullu 2024 (TATOLI) -Konsellu Ministrus aprova projetu Rezolusaun Governu, ne’ebé aprezenta husi Ministru Interiór, Francisco da Costa Guterres, hodi nomea Jesuíno dos Reis Matos Carvalho ba kargu Prezidente Autoridade Protesaun Sivíl (APC) ba períodu tinan tolu, tanba formasaun, koñesimentu, kapasidade téknika no esperiénsia ne’ebé nia hetan hodi hala’o funsaun ne’e.

“Kandidatu ne’e, Ministru Interiór mak aprezenta hodi lidera APC. Nia ema ida ne’ebé méritu no esperiénsia lubuk ida iha APC mak Ministériu aprezenta nune’e Konsellu Ministru halo ona aprovasaun bazeia ba lei APC nian,” Vise-Ministru Asuntu Parlamentar, Aderito Hugo da Costa hatete ba jornalista sira iha Palásiu Governu Dili, kuarta ne’e.

Tuir lei APC foun ne’ebé hetan ona alterasaun antes  sei halo restruturasaun totál ba estrutura APC husi nasionál to’o Munisipiu.

“Iha rejime ida tuan ne’e kargu xefia iha APC tenke mai hosi membru Polisia ativu, maibé agora ne’e laiha, ema sivíl mós bele ba lidera APC,” Aderito tenik.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!