Ai-moruk “stock out” iha Sentru Saúde Munisípiu Viqueque hamutuk item 26
VIQUEQUE, 17 jullu 2024 (TATOLI)- Diretór Servisu Saúde Munisípiu Viqueque, Aljacsono S. Maia, relata, daudaun armazén iha servisu saúde munisípiu Viqueque enfrenta ai-moruk “stock out” hamutuk item 26, maibé la fó impaktu ba atendementu komunidade.
“Iha fulan-Maiu nian laran ita-nia ai-moruk stock out hamutuk item 31 inklui ai-moruk esensiál sira hanesan ibuprofen no antibiótiku laiha, maibé foin lalais nasionál distribui mai ona. Nune’e agora ita–nia ai-moruk stock out hamutuk item 26, maibé ida-ne’e la fó impaktu ba atendementu ita-nia populasaun tanba ai-moruk esensiál ita uza iha munisípiu nian la hanesan Ospitál Referál no Hospitál Nasionál Guidu Valadares (HNGV)”, Aljacsono S. Maia, hateten ba Agência Tatoli, iha ninia kna’ar fatin, ohin
Ai-moruk esensiál ne’ebé loro-loron profisionál saúde sira uza ba atendementu pasiente sira-ne’e sufisente hodi fó tratamentu komunidade kada loron.
“Ita-nia ai-moruk totál item 261, husi númeru ne’e stock out item 26. Tan ne’e, ha’u sente katak ba stock out ai-moruk sira-ne’ebé ita uza iha Viqueque sufisente hela. Ba stock out ne’e ha’u haruka pedidu ba ona nasionál, bainhira iha nasionál stock iha sira sei distribui mai”, nia subliña.
Kona-ba distribui ai-moruk ba sentru saúde lima nia dehan, responsavél kada sentru haruka pedidu ba munisipiu bazeia ba nesidade ai-moruk, hafoin farmasista iha armazén distribui ba kada sentru hodi distribui tutan ba postu saúde sira.
“Ita nia diáriu iha sentru saúde lima no postu saúde 43, ami observa atendementu ativu hotu, maske menus rekursu, maibé ba atendementu hahú segunda to’o sesta ne’e la’o normál”, nia afirma.
Tuir dadús stock out husi item 26 iha Jullu ne’e kompostu husi Allopurmot 100mg tabs, Atenolol 50m tabs, Benzore no Salicylic Acid Ointment Whitfields 6%/3% 30gm, Brombenne Syrup 4mg/Smi Bot/60mi, Calarmin Lotion 100m l/Bottle, Ceftriaxone injection Powder Vial/ 1gm, Chloramphenicol Eye Ointment 1% Tube/5gm, Chlorpromazine HCL double scored 100mg tabs, Chlorpomazine HCL injecton 25m/ml Amp/2ml, Clotrimazine Vaginal Pessary 500mg, Cloxacin Sodium Oral Suspension 125mg/5ml Bot/100ml.
Alende, ai-moruk Cloxacillin Sodium scored 500mg tats, Diazepam 5mg tabs, Haloperidol 5mg Scored tabs, Hydrocortisone Sodium Succinate Injection 100me Vial, Metoclopramide HCL 10mg tabs, Multvitamin Syrup BP Bot/60ml, Permethrin Lotion 1% Bot/100ml, Promethazine HCL injection 25mg/amp/2ml, Promethazine HCL Coated 25mg tabs, Salbutamol Scored 4mg tabs, Salbutamol Sulfate Injection 5Omcg/1ml Amp/2ml.
Nune’e mós ai-moruk Vitamin B1 (Thiamine HCL) 5Omg) tabs, Vitamin B6 (Pyridaxine HCL) 5Omg tabs, Vitamin K1 (Phytomenadione) inject on Adut 10mg/ml Amp/1ml no 5ml, Vitamin KI (Phytomenadione) Injection Paediatric 1mg/1m AMp/1m.
Jornalista : Vitorino Lopes da Costa
Editór : Florencio Miranda Ximenes
