Austrália disponivel apoia dezenvolvimentu ekonómiku no Turizmu Timor-Leste
DILI, 18 jullu 2024 (TATOLI) – Vise Prmeiru Ministru no Ministru Koordenadór asuntu Ekonómiku, Turizmu no Ambiente, Francisco kalbuadi Lay, reune ho reprezentante epesiál ba Greater Sunrise Austrália, Esteve Bracks, hodi diskute kona-ba dezenvolvimentu ekonomia no turizmu Timor-Leste nian iha futuru.
“Ohin ha’u simu belun di’ak, ne’ebé mak reprezenta Governu Austrália hanesan mós reprezentante espesiál ba Greater Sunrise nian ne’ebé durante sempre vizita mai timor no área ne’ebé mak nia kontribui boot tebes iha área turizmu, no mós ba oin kontinua atu dezenvolve ekonomia iha ita-nia rain”, Francisco kalbuadi Lay dehan ba jornalista sira iha fatin Farol, ohin.
Iha fatin hanesan, reprezentante espesiál Greater Sunrise Austrália, Esteve Bracks, dehan reuniaun ohin, parte rua aborda kona-ba apoia ba dezenvolvimentu ekonomia inklui tau matan ba asuntu turizmu iha Timor-Leste.
“Ohin loron enkontru ho Vise Primeiru Minsitru hodi ko’alia kona-ba Greater Sunrise no mós atu halo dezenvolvimentu ekonomia ne’ebé mak Vise PM lidera inklui tau matan ba asuntu turizmu iha Timor-Leste”, Esteve afirma.
Nia epslika, sorumutu ida-ne’e fantástiku tebes tanba bele hasoru lider Timor-Leste nian no sei fila fali ba Austrália hodi hato’o relatóriu ba Governu Austrália kona-ba vizita ida-ne’e.
Jornalista : Felicidade Ximenes
Editór : Zezito Silva
