HNGV hatama reseita ba kofre liu rihun $22
DILI, 31 jullu 2024 (TATOLI) – Diretora Administrasaun Finansa no Lojístika iha Hospitál Nasionál Guido Valadares (HNGV), Sara Maria Freitas Xavier, hateten hahú iha fulan-Janeiru to’o juñu mak HNGV hatama ona reseita ba kofre Estadu ho totál $22.431.075.
“Husi janeiru to’o juñu, ita hatama ona reseita ba kofre Estadu hamutuk $22.431.075, hosi reseita ne’e mai hosi pasiente estranjeiru ne’ebé halo check up no mós pasiente nasionál sira”, Sara dehan ba jornalista sira iha nia kna’ar fatin, ohin.
Nia dehan, trimestre dahuluk, pasiente estranjeiru ne’ebé mak asesu ba atendimentu ospitalár, balun mai medical check up no mós balun baixa iha sala Very Important Person (VIP). Hirak ne’e mak kontribui reseita hamutuk $27.952,13. Enkuantu pasiente nasionál ne’ebé utiliza fatin VIP ho reseita hamutuk $103,922,40 ho totál $131.874,53.
“Iha trimesre daruak pasiente estranjeiru ne’ebé mak asesu ba atendimentu iha HNGV ho reseita hamutuk $25634,12, inklui pasiente nasionál ho reseita hamutuk $66,802,10 ho totál $92,436.22, ida-ne’e mak durante ne’e hatama reseita ba kofre Estadu’’, nia relata.
Jornallista : Felicicdade Ximenes
Editór : Zezito Silva
