DILI, 02 agostu 2024 (TATOLI) – Servisu Nasionál Ambulánsia Emerjénsia Médika (SNAEM.I,P) fó formasaun ba profisionál saúde, durante loron tolu, kona-ba apoiu báziku moris, hasa’e koñesimentu no abiliddae atu atende pasiente sira bainhira hetan asidente ruma.
Objetivu hosi programa ne’e atu aumenta koñesimentu profisionál saúde sira ne’ebé hala’o kna’ar iha servisu emerjensia médika nian, atu bele iha konfidensialidade bainhira kazu ruma ne’ebé presiza iha asisténsia médika.
‘’Servisu ambulánsia ne’e atu fó kuidadu pre-ospitál tanba dependénsia ba vítima ka pasiente sira ne’ebé mak presiza atu hetan apoiu, entaun banhira sira presiza ambulánsia sira komunika mai diresaun ida-ne’e atu ekipa tun ba evakua’’, Xefe Departamentu Servisu Ambulánsia Raimundo Pinheiro Magno, informa ba jornalista siira iha Vera Kruz, ohin..
Nia dehanm bainhira iha asidente ruma, família ka ema ne’ebé atu tulun tenke komunika mai ita-nia fatin, liuhusi númeru 1103311044, sira komunika mai ida-ne mak foin ekipa hatún despaisu ba ambulánsia hodi ba fatin akontesimentu”, nia informa.
Magno preokupa katak iha sitausaun balun, dalaruma asidente ne’e iha, maibé komunidade barak la kontatu ka la komunika ambulánsia maibé alerta ka fó sai uluk iha media sosiál.
“Iha situasaun balun liga ho asidente sira, dalarauma ita haosru problema, ezemplu; ita-nia komunidade sira ba fatin akontesimentu, sira ba tarde atu komunika mai ambulánsia, ida- ne’e situasaun real ne’ebé mak durante ne’e ita hotu haree. Dalaruma ita-nia komunidade sira ba ne’eba, sira husu ajuda uluk primeiru sokoru lae, maibé sira dalaruma foti foto tau media sosiál fali, entaun primeiru sokoru sira ladún tau prioridade, maibé ita espeta katak lolos ne’e sira hetan asidente hanesan ne’e tenke halo komunikaaun uluk ba parte ambulánsia nian, atu bele fó asisténsia”, nia informa.
Nia relata, iha situasaun balun ne’ebe mak dalaruma prejudika asisténsia ho lalais ka tempu responde ne’e atraza tanba situasaun iha Dili laran dalaruma engrafamentu mak sai problema boot ba ambulánsia sira.
“Ita iha hanoin ida katak ba oin oinsá atu servisu hamutuk ho ministériu relevante sira atu bele dizemina ka sosializasaun servisu emerjénsia sira atu ita-nia komunidade sira bele hatene utiliza ba estrada públiku sira, ba servisu emerjénsia sira, tanba iha realidade balun dalaruma ambulánsia bele lian mós estrada públika ne’e susar atu loke dalan atu ambulánsia liu”, nia esplika.
Paartisipa iha fomasau ne’e mai husi profisionál saúde hamutuk 14, hirak ne’e iha enfermeiru, parteira no mós ajente motorista, totál husi benefisiáriu iha 21.
Jornalista : Felicidade Ximenes
Editór : Zezito Silva
