Governu prepara rekursu umanu molok instala Supremu Tribunal Justisa
DILI, 06 agostu 2024 (TATOLI) – Ministru Justisa (MJ), Sergio Hornai, hateten Governu sei prepara uluk rekursu umanu molok instala Supremu Tribunál Justisa.
“Ita tenke haree uluk liu alargamentu ita-nia lei-orgánika orgaun judisiária ninia, ita koalia kona- ba polítika alargamentu mapa justisa iha Timor-Leste no ita tenke haree kona-ba ita-nia lei sira. ita tenke haree kona-ba ita-nia rekursu umanu hodi bele ba tuur iha ne’eba. Tanba atu asume, tenke iha responsabilidade no integridade.
“Ita iha ona planu estratéjiku ba setór justisa, ha’u hakarak hateten katak ita halo daudaun prozesaun ba buat sira ne’ebé temi, ita prepara uluk rekursu para priénse iha Tribunál Primeira Instánsia, to’o iha Tribunál Segundu Instánsia ka Tribunál Rekursu para aban bain rua ita bele estabelese Supreme Tribunál Justisa. Kuandu ita iha ona ema hanesan juiz esperiénsiadu, bele ba Juiz Konsileiru no Juiz ne’ebé eleje sai Juiz ba Supremu Tribunál Justisa hodi bele kaer ita- nia prosesu justisa iha orgaun soberania Estadu nian”, nuia konklui.
Jornalista : Natalino Costa
Editór : Zezito Silva
