DILI 06 agostu 2024 (TATOLI) – Diretór Aprovizionamentu Institutu Nasionál Produtu Médiku no Farmaséutiku (INFPM), Mariano da Silva Marques, hateten INFPM simu tan produtu médiku husi empreza PT Emjebe no Inti Sumber ne’ebé maka hatama husi Indonézia.
“INFPM simu produtu médiku husi PT Emjebe no Inti Sumber ne’ebé mak hatama husi Indonézia”, Diretór Aprovizionamentu INFPM, Mariano da Silva Marques, dehan ba TATOLI, iha eskritóriu INFPM Kampu Alor, Dili.
Nia dehan, produtu médiku ne’e entrega ona ba INFPM iha loron 3 fulan-Agostu ho forma Líkidu Infuzaun RL liuhosi fronteira terestre, Batugede.
Aleinde ida-ne’e, iha segunda (05/08), INFPM simu tan produtu médiku sira ho forma Ásidu Líkidu DFAD 5 litru, Injesaun Vitamina C 200mg (Larce), Heparin Injec 5000IU/Vit B1/B6/B12, Ásidu Tranexamiku 500mg iha, Metromide Tablets, Paracetamol tablets.
“Produtu médiku sira ne’e entrega tuir kontratu aprovizionamentu ne’ebé hala’o entre empreza ho INFPM.
“Produtu médiku sira ne’e entrega ba ekipa Resepsaun no Inspesaun (R&I) hodi halo inspesaun molok rai iha armajen INFPM hodi halo distribuisaun ba fasilidade saúde”, nia konklui.
Jornalista : Felicidade Ximenes
Editór : Zezito Silva
