Top

PN hein Governu aprezenta altera lei investimentu

Presidente Parlamentu Nasionál, Maria Fernanda Lay. Imajen Tatoli/Egas Cristóvão

DILI, 16 agostu 2024 (TATOLI)—Parlamentu Nasionál (PN) hein Governu aprezenta altera lei investimentu hodi bele fó protesaun di’ak ba investidór estranjeiru ne’ebé hakarak mai investe iha Timor-Leste.

Notísia Relevante: PN propoin halo revizaun lei Investimentu no Sosiedade Komersiál

“Lei investimentu ne’e eziste iha pasadu, embora preokupasaun Prezidente Repúblika nian katak ita integra iha Organizasaun Mundiál Komersíu (OMK) ho ASEAN, ita tenke reformula ita-nia lei sira-ne’e hodi bele iha protesaun. Maibé, inisiativa ne’e tenke mai husi Governu,” Prezidente Parlamentu Nasionál, Maria Fernanda Lay, hateten ba jornalista sira iha resintu Parlamentu Nasionál, sesta ne’e.

Tanba ne’e, nia dehan, prosesu la’o hela tanba lei ida uluk la akomoda buat hotu fila ba oinsá ba Governu ho PN no Timor-Leste nia adezaun ba OMK ho ASEAN ne’e bele armoniza lei hodi akomoda preokupasaun husi investimentu mai Timor-Leste.

Armonizasaun lei iha kontestu ASEAN ho OMK la’o hela no agora espera prosesu ida-ne’e bele tama iha armonizasaun ne’ebé Governu hala’o hela ba lei ne’ebé eziste liga ho OMK ho ASEAN.

“Ne’ebé, hakarak ka lakohi ita tenke ajusta ita-nia lei, nune’e ita hein Governu bele armoniza lei,” nia dehan.

Tanba ne’e, presiza halo alterasaun ba atuál lei investimentu hodi fó seguransa protesaun ba investidór sira estranjeiru ne’ebé atu mai investe iha rai-laran hanesan rai, preokupasaun eletrisidade karun tebes ho seluk tan, nune’e presiza seguransa no protesaun ba investidór sira.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!