BAUCAU, 20 agostu 2024 (TATOLI) – Autoridade suku Caibada, postu administrativu Baucau Vila liuhusi Programa Nasionál Dezenvolvimentu Suku (PNDS).
Xefe suku Caibada, Cosme da Costa Lopes, esplika, maske orsamentu ba atividade referida seidauk transfere maibé parte autoridade suku deside liuhosi planu hodi kanaliza bee-moos ba aldeia Ana-Uaru bazea ba ezijénsia tanba sei hasoru difikuldade iha bee-moos.
“Komunidade iha aldeia ne’ebé seidauk asesu bee-moos tanba sei la’o-ain ho distánsia dook,” Xefe suku Caibada hateten iha Vila Antiga, tersa ne’e.
Totál orsamentu ba atividade referida hamutuk rihun $37 ho totál benefisiáriu hamutuk uma-kain 50, nune’e konsellu suku hamutuk ho tékniku PNDS hahú komesa loke prosesu kuotasaun ba kompañia relasiona ho fornesimentu materiál nune’e tuir planu sei implementa atividade referida iha tempu besik.
Cosme Lopes, argumenta, hafoin kanaliza ba komunidade sei kontinua koordena ho benefisiáriu sira hanesan rejistu iha konta Bee Timor-Leste (BTL,ep) no liuhusi suku kona-ba jestaun bee-moos.
Jornalista : Natalino Belo
Editór : Evaristo Soares Martins
