Peregrinu na’in-6.024 husi Viqueque sei partisipa misa solene iha Tasi-Tolu
VIQUEQUE, 27 agustu 2024 (TATOLI)-Komisaun preparasaun nivel vizita sua santidade Papa Fransico munisipál Viqueque rejista pregrinu ba partisipa misa iha Tasi-Tolu-Dili na’in-6.024 resin.
Tuir Prezidente Komiasaun oragnizadóra vizita Papa sua santidade nivél munisípiu Viqueque atuál PAM Viqueque, Francisco Cruz S. de Gonzaga Soares, hateten, komisaun halo ona enkontru dala ikus, molok entrega lista pregrinu husi munisípiu Viqueque nian nomós númeru transporte ne’ebé munisípiu prepara.
“Tanba ne’e, ohin komiasaun sira halo enkontru ikus ba preparasaun ba vizita papa Francisco nian. Ha’u aproveita biban ida-ne’e hodi atuliza preparasaun sira-ne’ebé komisaun prepara liuliu rejistarasaun ba pregrinu Viqueque no iha preparasaun transporte ”, Francisco Cruz S. de Gonzaga Soares, hateten ba jornalista sira, iha salaun administrasaun Viqueque, ohin.
PAM Viqueque profunda, komisaun organizadora munisípiu Viqueque sei aprezanta lista pregrinu no lista transporte iha loron 26 fulan Agostu 2024 bá dioseze Baucau.
“Nune’e ita mós planu dezlokasaun no fahe kamizola ba ita-nia pregrinu sira-ne’ebé rejista ona iha kada postu ida-idak. Tuir planu ita sei desloka ba Dili loron 9 fulan-Setembru no akompaña husi Polísia Nasionál Timor Leste (PNTL) munisípiu Viqueque”, nia hato’o.
Tanba ne’e autoridade Viqueque ne’e dehan, orsamentu ne’ebé komisaun organizadóra nasionál ba vizita sua santidade prevee ba munisípiu Viqueque totál rihun $40, ba orsamentu ida-ne’e la sufisiente.
“Tanba ne’e ha’u husu ba sarani munisípiu Viqueque baihnira ba partisipa ita mós tenke antisipa lori ita-nia bukae ruma, saida maka ita bele lori, di’ak liu lori. Atu nune’e hahan tarde karik ita kalsu uluk ita-nia kabun, iha fatin akapamentu. Komisaun munisípiu mós sei kontinua akomapaña ita-nia akapamentu”, nia kompromete.
Tuir dadús husi komisaun nivél munisípiu Viqueque ho totál pregrinu na’in-6.024, kompostu husi feto na’in-3.142 no mane na’in-2.882, ne’ebé komisaun sei prepara transporte totál hamutuk unidade 201, husi númeru transporte ne’e komisaun karreta unidade 138 ne’ebé sei presiza karreta unidade 63.
CCI-TL apoia foos rai tonelada 40
Vizita sua santidade Papa Francisco mai Timor Leste, Kamara Komérsiu Indústria Timor Leste (CCI-TL) sei kontribui foos rai totál tonelada 40.
“Ba vizita sua santidade Papa Francisco mai Timor Leste, Governu koordena ona ho ami atu forsene foos rai totál hamutuk tonelada 40 ne’ebé atu ofesere ba sarani sira-ne’ebé konsetrasaun iha Dili, iha loron 9 to’o 10 fulan-Setembru 2024, ami sei oferese foos ba ita-nia sarani sira hodi konsumu”, vise Prezidente CCI-TL Asuntu Agrikultura, Rui Castro, hateten ba jornalista sira, iha munisípiu Viquque, ohin.
Vise Prezidente CCI-TL Asuntu Agrikultura ne’e dehan, kona-ba preparasaun hare kulit CCI-TL iha hare demo plot rasik ne’ebé iha munisípiu hotu-hotu.
“Agora ha’u fila ba Dili hahú rekolla ami-nia hare demo plot sira-ne’ebé iha kada munisípiu sei transporta hamutuk hotu iha Dili, hodi prosesa dulas, nune’e iha tempu badak ami sei halo serimónia ofisiál ida hodi halo lansamentu ba foos ne’ebé ami prodús”, nia relata.
Ho ida-ne’e nia dehan, agrikultór mós kontribui haree toleneda 40 ba Governu no igreia hodi simu sua santidade papa Francisco vizita mai Timor Leste.
“Foos ne’ebé ami prepara ba vizita suantidade Papa Frncisco, tonelada 40 ba sarani ne’e ami CCI-TL fiar katak foos sufisente hodi oferese ba sarani sira”. nia subliña.
Tuir oráriu vizita sua santidade Papa Franscisco sei vizita Dili-Timor Leste durante loron tolune’ebé sei hahú loron 9 fulan-Setembru to’o loron 11 fulan-Setembru 2024.
Jornalista : Vitorino Lopes da Costa
Editór : Florencio Miranda Ximenes
