Diretór AMRT husu Dorão Barroso hato’o asuntu dokumentu Timor ba Governu Portugal

DILI, 31 agostu 2024 (TATOLI)–Diretór Ezekutivu Arkivu Muzeu Rezisténsia Timorense (AMRT), Jorge Alves ‘We Moris’ simu vizita husi antigu Primeiru-Ministru Portugal, José Manuel Durão Barroso, ne’ebé iha ámbitu ne’e parte rua ko’alia kona-ba arkivu no dokumentu istóriku Timor nian.

“Ohin ita hetan vizita espesiál husi antigu Primeiru-Ministru Portugal, Durão Barroso. Ita laiha pedidu maibé ita-nia mensajen mak muzeu rezisténsia ne’e arkiva dokumentu hotu kona-ba Timor-Leste. Entaun, ita husu para exelénsia bele hato’o ba Governu sentrál atubele ko’alia ho Agência Lusa no RTP, hodi nune’e ita bele hetan dokumentu importante Timor-Leste nian husi sira,” Diretór Ezekutivu AMRT hateten ba Agência Tatoli, iha resintu AMRT, Colmera, sábadu ne’e.

Notísia relevante : pVizita AMRT, Brigadeiru Jenerál EUA apresia Timor-Leste nia vontade luta ukun rasik-an

Jorge Alves dehan, AMRT hanesan fatin ne’ebé hakerek istória Timor-Leste nian, ne’ebé rejista  ema mate barak duranta luta ba okupasaun sira.

“Exelénsia hanesan antigu Primeiru-Ministru, bele hato’o ba Governu sentrál Portugal atubele ajuda AMRT Timor ein termu muzeu, áudio vizuál nomós istória,” nia akresenta.

Jornalista     : Osória Marques

Editora          : Julia Chatarina