Prepara simu Amu Papa, Viqueque-oan finaliza monta arku iha estrada protokolu Dili
DILI, 06 setembru 2024 (TATOLI)-Komisaun nasionál fó servisu ba peregrinu husi munisípiu Viqueque hodi monta arku ho distánsia metru 350 no halo ermida ho simbolu kee iha Dili, hodi reprezenta identidade Viqueque-oan simu vizita Sua Santidade Amu Papa Francisco, ne’ebé akontese iha loron 9 to’o 11 Setembru ne’e.
Ekipa komisaun munisípiu Viqueque, atuál Sekretáriu munisípiu Viqueque ba Asuntu Sosiál, Acasio de Sousa, esplika, komisaun nasionál fahe tarefa servisu ba munisípiu Viqueque hodi kria arku iha dalan portokolu, ne’ebé parte munisípiu Viqueque nian hahú husi Banku Nasionál Komérsiu Timor Leste (BNCTL) to’o Bebora nian ne’ebé purvota metru 350 ne’ebé monta hotu ona.
“Arku ne’ebé ami prepara hamutuk 350 no sei tau ba metru 350 entrega parte leten no karik, atu Sua Santidade Papa viajén tuir.Nune’e ami ohin hahú serbisu tuku 18:00 to’o mai agora tuku 1:00, matrugada, maske kalan ami kontinua servisu kontinua aban bele finanliza, hodi ami bele haree fali sevisu seluk ne’ebé maka seidauk hotu”, Acasio de Souza, ba Agência Tatoli, iha Bebora, Dili, sesta (06/09).
Autoridade ne’e relata, materiál ne’ebé uza ba arku ne’e mai husi materiál lokál hanesan au, akadiru tahan ne’ebé lori husi Viqueque.
Viqueque-oan hanesan joven feto no mane iha Dili mai apoia voluntáriu hodi monta arku.
Tuir observasaun jornalista Agência Tatoli, I.P nota katak ekipa komisaun minisípiu Viqueque mota arku to’o kalan boot, maibé ekipa sira ho vontade no espresaun kontente, maske rai kalan boot tuku 1:00 madruda, ekipa kontinua servisu to’o finaliza tarefa servisu.
Enkuantu, serbisu monta arku referida hetan akompaña direta hosi Ministru Agrikultura Peskas, Pekuária no Floresta (MAPPF), Marcos da Cruz no Munisípiu Viqueque atuál PAM Viqueque, Francisco Cruz S. de Gonzaga Soares no Diretór munisipál sira.
Jornalista : Vitorino Lopes da Costa
Editór : Florencio Miranda Ximenes
