Ekipa dansa kultura husi Viqueque to’o ona Hera
VIQUEQUE, 08 setembru 2024 (TATOLI)- Ekipa dansa kultura no primeiru sokurru husi munisípiu Viqueque preparadu ona iha fatin akampamentu aldeia Mota Ki’ik, suku Hera, postu administrativu Cristu Rei, munisípiu Dili.
“Ohin ami-nia ekipa avansadu dansa kultura no primeiru sokorru mak to’o uluk hodi prepara simu ita-nia peregrinu sira-ne’ebé mai husi munisípiu Viqueque tanba aban dader mak sira arranka husi ne’ebá mai iha Hera”, Francisco Cruz S. de Gonzaga Soares, hateten ba Agência Tatoli iha Hera, ohin.
Ekipa dansa kultura iha fatin akampamentu halo animasa hodi prepara no aprezenta ba Governante sira-ne’ebé ba observa fatin akampamentu hanesan Ministra Sosilisaridade Sosial Inkluzaun (MSSI), Sekretáriu Estadu Igualidade (SEI), Ministru Agrikultura Peskas, Pekuária no Floresta (MAPPF), Sekretáriu Estadu Floresta (SEF).
“Ita-nia ekipa dansa kultura ne’ebé reprezenta identidade munisípiu Viqueque ne’e sei aprezenta iha arku munisípiu Viqueque nian prepara ona iha dalan portokolu Bebora, Dili”. Nia relata.
Nia realsa, ekipa dansa kultural husi munisípiu Viqueque ne’e reprezenta kada postu lima, maibé marka presenza husi postu tolu ne’ebé sei forma iha uha estrada publiku hanesan Bebora, Dili.
Tuir dadús ekipa avansadu dansa kultura hamutuk na’in-150 ne’ebé mai husi postu tolu Ossu, Lacluta no Viqueque Vila no primeiru sokorru na’in-40, husi númeru ne’e na’in-haat to’o uluk ona no aban (09/09) ekipa primeiru sokorru na’in-36 sei to’o hodi reforsa ekipa.
Jornalista : Vitorino Lopes da Costa
Editór : Florencio Miranda Ximenes
