DILI, 09 setembru 2024 (TATOLI)-Ekipa dansa kultura munisípiu Viqueque sei lori tebe-tebe no dahur hodi simu Sua Santidade Amu Papa Francisco, iha estrada Protokolu Bebora-Dili.
Reprezentante Ekipa Dansa Kultura, Luciana Guterres, sente orgullu tanba bele lori kultura munisípiu Viqueque nian hodi aprezenta ba Sua Santidade Papa Francisco ne’ebé to’o iha Timor-Leste.
“Ohin, ami sente momentu ida ne’ebé kontente tebes, tanba ita atu simu ita-nia Sua Santidade Papa Franscisco ne’ebé mai ona ita-nia rain. Nune’e ami agora lori kultura munisípiu Viqueque nian hodi aprezenta ba ita-nia Papa Francisco. Tan ne’e agora ami forma ona iha dalan protokulu Bebora”, Luciana Guterres, hateten ba Agência Tatoli, iha Bebora Dili, ohin.
Alende ne’e, Luciana dehan, ho prepapasaun ba dansa kultura no sarani sira-nia preparasaun iha fatin ida-ne’e hatudu sentidu domin ba Sua Santidade Papa Francisco.
“Kona-ba dansa kultura, ami preparadu ona, hein aprezenta de’it, ba ita-nia Sua Santidade Papa Framcisco”, nia akresenta.
Tuir observasaun Jornalista Agência Tatoli iha dalan portokulu Bebora nota ekipa dansa kultura husi munisípiu Viqueque daudaun forma ona tuir dalan, hatais ho vistituáriu kultura munisípiu Viqueque. Maske loron manas, maibé ekipa dansa kultura antisizmu forma hodi hein Sua Santidade Papa Francisco ne’ebé to’o iha Aeroportu Nicolau Lobato Timor Leste.
Jornalista : Vitorino Lopes da Costa
Editór : Florencio Miranda Ximenes
