DILI, 09 setembru 2024 (TATOLI) – Sarani sira ne’ebé hein Amu papa iha Timor Plaza oin hakilar no kontente simu Amo Papa nia prezensa iha Timor-Leste, nu’udar líder Katólika no “bibi atan’ ba sarani sira iha mundu.
Tuir observasaun husi TATOLI iha terrenu nota katak sarani sira nakonu iha rotunda Nicolau Lobato mai to’o Igreja Ai-mutin nian. Sira entuziasmu no hatudu sentimentu orgullu nu’udar timoroan no sarani. Loron manas ‘hamanas’ sira-nia fiar. Dili sai “inundasaun” ema – sarani sira ho otas oioin, iha Dili no mai husi munisípiu sira inklui RAEAO.
Iha igreja Ai-mutin dansa kultura husi Munisípiu Covalima mak simu amu papa no iha sorin sorin husi sarani sira hakilar no kontente hodi dehan viva Papa Francisco ne’ebé to’o ona Timor-Leste.
Maske rai-manas maibé sarani sira la baruk no kolen hein Sua santidade Papa nia presenza iha dalan dalan to’o iha Nunsiatura Motael.
Bainhira papa liu husi dalan protokolu sarani sira hakilar no kontente dehan “Viva papa! Viva papa!”
Sarani Cristalina Fatima, kontente tebes haree direta Sua Santidade Papa Francisco. “Ha’u kontente haree amu papa nia oin”.
Jornalista: Feliciade Ximenes
