DILI, 08 setembru 2024 (TATOLI)—Grupu dansa kulturál (GDK) husi munisípiu 13, iha ne’ebé inklui mós Sangar Lagamada, sei akompaña Sua Santidade Papa Francisco sa’e ba Altar ne’ebé prezide misa solene Tasi tolu iha loron 10 fulan setembru.
“Preparasaun ba treinu dansa kultura ida-ne’e grupu mai husi Sangar Lagamada, Postu Administrativu Laclo, Munisípiu Manatuto no kahur hamutuk ho munisípiu hothotu hanesan Lautem, Viqueque, Baucau, Maliana Liquiça, Bobonaro, Covalima, Manufahi, Aileu, Ainaro, Ermera, Dili no RAEOA. Entaun ohin ne’e, ami treinu nune’e iha loron 10 fulan-setembru akompaña Papa Francisco sa’e ba Altar hodi prezide misa solene ida-ne’e ba ita hotu,” Reprezentante dansa kultura husi Munisípiu Manatuto, Vicente Tiago Oliveira ba TATOLI iha Tasi-tolu ohin.
Nia esplika, babadok ida-ne’e la’ós buat foun ba Timor-Leste, maibé ida-ne’e husik kedas beiala sira nune’e hanesan jerasaun atu asegura kontinuasaun saida mak beiala sira husik hela, entaun ida-ne’e hanesan simu bainaka espesiál sira presiza Babadok.
“Babadok ida -ne’e la’ós buat foun, maibé uluk kedas ita-nia beiala sira husik mai ita atu simu bainaka espesiál hanesan mós nain ulun sira husi Estadu, na’in ulun sira igerja mak hodi simu Babadok nia lian nee hanesan konvida atu tama ba fatin,” nia esplika.
Nia dehan, grupu dansa kultura ida-ne’e aprezenta ba iha loron 10 fulan setembru sua santidade prezide misa iha Tasi-tolu.
“Ha’u-nia grupu ida-ne’e atu aprezenta ba iha loron misa husi sua santidade ne’ebé mak atu prezide misa iha tasi tolu iha loron 10 fulan setembru ida-ne’e,” nia relata
Nia haktuir ema ne’ebé baku babadok husi munisípiu 13 hamutuk 26 husi ne’e mane hamutuk 13 no feto 13, husi Sangar lagamada hamutuk 12 husi ne’e feto hamutuk 12 no mane na’in rua.
Jornalista : Felicidade Ximenes
