DILI, 10 Setembru 2024 (TATOLI) – Papa Francisco molok prezide misa solene iha Tasi Tolu, Dili, fó bensaun ba ema defisiénsia lubuk ida.
Iha fó bensaun ne’e akompaña husi Dom Virgílio Kardeal do Carmo da Silva no Primeiro-Ministru, Xanana Gusmão. Hafoin fó bensaun, Papa Francisco ho nia kadeira roda tama ba sakristia hodi troka ropa no hahú prezide misa.
Antes misa, frater, madre, leigu no diákonu sira mós kumprimenta Santu Padre.
Tuir observasaun Tatoli, maske misa besik atu hahú,maibe sarani sira sei kontinua la’o husi diresaun Rai-Kotu ba área uma adat Tasi Tolu hodi partisipa misa.
Missa solene nee tuir previzaun partisipa husi sarani rihun 700 husi munisípiu hotu, inklui husi sarani sira husi Dioseze Kupang no Atambu, Timor Osidentál.
Eventu ne’e hetan hetan seguransa máximu husi Polísia Nasional Timor-Leste, Forsa Defeza Timor-Leste e eskuteiru sira.
Jornalista: Afonso do Rosário
Editora: Isaura Lemos de Deus
